[Unicode]
အိမ်လေးမှာအိပ်ပျော်ကျန်နေခဲ့တဲ့ အောင်ဟိန်းထက်နဲ့ခန့်မိုးဝေတို့ကို အကျိုးအကြောင်းတောင်မပြောပဲနဲ့ သူကိုသိင်္ခနောက်ကိုကောက်နေအောင်လိုက်လာတာ။ ရွာပြန်တုန်းကကားပေါ်မှာအမြဲဖွင့်တဲ့သီချင်းလိုလေ။
" မောင်ခေါ်ရာလိုက်ခဲ့တော့မယ်
ယုံတော့မောင်ကြီးရယ်
ဘယ်မကွာ ဆုံးသက်တိုင်မယ်
ပျို့သက်ပိုင်ရယ်
ရိုးမြေကျအောင်ပဲ
မေလည်းမောင့်ကိုခင်ပါတယ်
လိုက်ခဲ့မယ့် မောင်ကြီးနှမရယ်
သေအတူရှင်မကွာ
သစ္စာမေတ္တာပွားလို့ချစ်ပါ့မယ် "
Loverseat မှာ ငြိမ်ငြိမ်ကလေးထိုင်နေရင်းနဲ့ ကိုယ့်လက်ဖဝါးပေါ်အုပ်တင်ထားတဲ့ ကိုသိင်္ခရဲ့လက်ကိုကြည့်နေမိသည်။ ကားမောင်းနေရင်းနဲ့တောင် သူ့လက်ကိုမလွှတ်တမ်းကိုင်ထားတာမို့ နွေးထွေးကြည်နူးစိတ်ကလှိုက်တက်လို့။ မမှားဘူး။ ဒီလူ့ကိုရွေးချယ်ရတာတကယ်မမှားဘူး။
" ညစာစားပြီးပြီလား "
" ဟင့်အင်း သောက်ထားတာ "
" အိမ်ရောက်မှ ညစာစားမယ်နော် "
" အင်း "
ဒီလူ့နူးညံ့မှုတွေနဲ့ကျင့်သားမရတော့ နေရထိုင်ရခက်လှသည်။ ရှင်းလင်းနေတဲ့ကားလမ်းပေါ် သူတို့ပဲရှိနေသလို။ ညဥ့်နက်နေတာကြောင့် မှုန်တပြမီးရောင်အောက်မှာ သူ့စိတ်တွေအေးချမ်းနေခဲ့တာပဲ။ ချစ်ရတယ်ဆိုတာဒီလိုလား။ လှိုင်းကလေးငြိမ့်ငြိမ့်စီးရသလို၊ တောင်ကုန်းတွေပေါ်ဖြတ်ပြေးသွားတဲ့ လေပွေတွေကိုလိုက်ရှာရသလို။
ခြံဝန်းကြီးထဲကားကွေ့ဝင်တာနဲ့ ခါးပတ်ကိုဖြုတ်ရသည်။ ဆင်ဝင်မှာကားရပ်ပြီးမှ သူကားတံခါးဖွင့်ဖို့ပြင်တော့ သိင်္ခမိုးသဲက သူ့လက်တွေကိုပြန်ဆွဲထားတာ၊
" ဘာဖြစ်တာတုန်း "
သိင်္ခမိုးသဲကသူမေးတာကိုမဖြေ၊ ဘာမပြောညာမပြောနဲ့ သူ့ပါးပြင်ကိုပွက်စ်ခနဲအောင်နမ်း၏။ ဘာစိတ်ကူးပေါက်သတဲ့လဲ။ ဒီလို ရုတ်တရက်ကြီးတွေခဏခဏလုပ်နေမယ်ဆို သူနှလုံးတွေလည်း ပြုတ်ထွက်ရပါတော့မယ်။
VOCÊ ESTÁ LENDO
နွေဦး ဒိုင်ယာရီ {𝚂𝚙𝚛𝚒𝚗𝚐 𝙳𝚒𝚊𝚛𝚢}✅
RomanceDirected by Kaung ပါ title ပြင်ထားတာပါ The content of this story is purely the author's imagination. Marriaged life || romance || starting date - oct 25 2021 ending date - dec 8 2021 Author - Ciel_Zizawar Coverphoto from pinterest.
