(Unicode)
နောက်တနေ့မနက်တွင်....
ဂျုံအင် အိမ်၌.....
မနက်ခင်းနေရောင်ခြည်က ကုတင်ပေါ်တွင်ဖက်အိပ်နေကျတဲ့ လူနှစ်ဦးပေါ်သို့ လာရောက် ကလူကျီစယ်လေသောအခါ အရင်ဆုံးနိုးလာရသူက အရက်သမားလေး အိုဆယ်ဟွန်းသာဖြစ်တယ်။
နိုးနိုးချင်း သူအပျင်းကြောဆန့်မယ်လုပ်တုန်းရှိသေး အနောက်ကနေ သူ့ခါးကနေဖက်တွယ်ထားမှုကို ခံစားမိတာကြောင့် သူငုံကြည့်မိတော့ ညိုဖျော့ဖျော့နဲ့အကြောအပြိုင်းပြိုင်းထနေတဲ့လက်တစ်စုံကိုတွေ့ရလေ၏။
အနောက်ကိုဖြေးဖြေးချင်း သူလှည့်ကြည့်မိတော့ မြင်လိုက်ရတဲ့မျက်နှာကြောင့် သူလန့်ကာ ထိုလူကိုစောင့်တွန်းမိလေတော့တယ်။
"အ့ အားးးးးးသေပါပြီကွာ"
"မင်း!မင်း! ဂင်ဂျုံအင်!မင်းဘယ်လိုလုပ်ငါ့အခန်းထဲရောက်နေရတာလဲ?!"
ကုတင်ပေါ်ကနေ ပြောချင်ရာလျှောက်ပြောနေတဲ့အပြင် သူ့ရင်ဘက်ကိုလည်းစောင်နဲ့မရရအောင် ဖုံးတားသေးတဲ့ အိုဆယ်ဟွန်းပါလေ။
နာသွားတဲ့တင်ပါးကို ဂျုံအင်အသာဖိထားပြီး ကုတင်ပေါ်က အပျိုစင်ဘဝကိုဖျက်ဆီးခံရတော့မဲ့ မိန်းကလေးလို ကြောက်လန့်နေတဲ့ အိုဆယ်ဟွန်းကို အံကြိတ်ကာ ပြောလိုက်တယ်။
"မင်းရဲ့မျက်လုံးနဲ့သေချာကြည့်!!ဒါဘယ်သူအိမ်လဲဆိုတာ!!!"
ထိုတော့မှာ ဆယ်ဟွန်းက အခန်းပတ်ပတ်လည်လည်ကို ကျီးကန်းတောင်မှောက်လိုက်ကြည့်တော့တယ်။
"ဟင်?! ဒါ ဒါ ငါ့အိမ်မဟုတ်ဘူးလား?!"
"အေး!!!!"
ပိတ်အော်လိုက်တဲ့ဂျုံအင်ကြောင့်ဆယ်ဟွန်းမှာ ကြောင်ကြည့်နေရာကနေလန့်ဖြန့်သွားရတော့၏။
"မင်းလည်း ဖြေးဖြေးပြောမှပေါ့"
ဆယ်ဟွန်းကထိုသို့ပြောပြီး ကုတင်အောက်ဂျုံအင်ကို လက်ကမ်းပေးတော့ ဂျုံအင်ကမျက်မှောင်ကိုံကြည့်လာတယ်။
"ကိုင်လေ...မင်းမထနိုင်ဘူးမလား?!"
"မလိုဘူး!ငါဟာငါထနိုင်တယ်! မင်းသာမင်းအိမ်မင်းမြန်မြန်ပြန်တော့!"
YOU ARE READING
The little vampire is my soulmate(Complete)
Vampiros"ငါ့သက်တမ်းကနုနုလေးကို ဘာတဲ့? ဝိညာဉ်ဖက်ရှာတော့တဲ့" #Baekhyun "မင်းငါ့ကိုလိုက်ကပ်နေတာ ငါ့ဆီကဘာလိုချင်လို့လဲ?" #Chanyeol #Chanbaek
