حيرام الغرام مكتملة ( بقلم : دينا فتحي )

الفصل الاول

في حي من أحياء القاهرة القديمة وبالأخص في حارة شعبية الذي يعيش فيها أبطالنا .....كانت حارة ملئية بالحيوية والنشاط كانت الأطفال تذهب الي المدارس والرجال تذهب الي أعمالهم والنساء تذهب لكي تجلب مستلزمات المنزل من عيش وخضار وفاكهة....فكانت حارة تدل على أنها حارة مصرية أصيلة

في منزل العم مختار

يأتي صوت عالي من غرفة غرام ومنار ....أصبحت عادة يوميا تحاول غرام استيقظ أختها لكي تذهب الي جامعتها ....فمثل كل يوم لا تقوم منار بهدوء

غرام بصوت عالي : يا بنتي قومي بقا ....هتروح عليكي المحاضرة الساعة ٧

منار وهي تضع الوسادة علي راسها وتعطيها ظهرها قائلة بنعاس : طيب يا غرام خمس دقايق وهقوم وراكي

غرام وهي تزيح الغطاء من عليها وتضربها بالوسادة علي راسها قائلة بعصبية : يا بت قومي واخلصي عايزة انزل الشغل

منار ببرود : هو انا مسكاكي متروحي شغلك وريحني منك بقا عايزة انام شوية

غرام بعناد : انا قولت هتقومي يعني هتقومي دلوقتي ....علشان تفطري قبل ما تنزلي

منار ببرود: مش افطر يا ستي بقا افطر في الكلية .....ويلا اطلعي برا بقا عايزة انام .....حرام عليكي

غرام وهي تمسك كوب المياة قائلة بتهديد : طيب اقسم بالله يا منار لو ما قومتي دلوقتي حالا .....لخلي كوباية المياة دي هي اللي تفوقك

منار بغيظ منها وهي تجلس علي الفراش قائلة بصراخ : والله حرام الواحد مبقاش عارف ينام في بيته ....هروح انام فين يعني علشان ارتاح منك يا ست غرام

غرام وهي تضرب كف علي كف من أفعال أختها المجنون قائلة : روحي نامي في شارع ياختي....دا انا اللي ارتاح منك والله.....يعني بعد كل اللي بعمله دا ومش عجبك ادلعي برحتك يا ابلة منار .....يلا عقبال متفوقي كدا وتلبسي هكون جهزتلك الفطار

منار بغيظ: طيب يلا اطلعي برا بقا

غرام وهي تخرج من الغرفة ثم استدارت لها قائلة بتوعد : خمس دقايق ولو مطلعتيش ورايا انتي حرة

ثم خرجت من غرفة أختها وذهبت في اتجاه غرفة ابيها العم مختار .....وتركت منار بمفردها في غرفتها لكي تجهز من أجل جامعتها

دخلت غرام الي غرفة ابيها قائلة بابتسامة بشوشة وهي تقبل رأسه : صباح الخير يا حج مختار

محتار وهو جالس علي الفراش قائلا بابتسامة : صباح النور يا بنتي.....ثم اكمل بتسال : مالكم صوتك انتي واختي عالي كدا ليه

غرام بتعب : اعمل ايه يعني يا حج.....ما بنتك لازم تطلع صوتي كل يوم الصباح .....بقت عادة يوميا ..... دا احنا بقينا المنبة بتاع الحارة .....الحارة كل يوم بتصح علي صوتي انا وبنتك