حيرام الغرام مكتملة ( بقلم : دينا فتحي )

الفصل الحادي عشر

خالد بدون مقدمات قائلا بجد : انا عايز اتجوز اختك يا حيرام

نظر له حيرام قائلا بعدم استيعاب : بتقول ايه يا خالد

خالد ببساطة : بقولك عايز اتجوز ياسمين اختك يا حيرام.....ايه الصعب في دا

حيرام بعدم فهم قائلا : و دا من امتي يا عم خالد....اتعملت مع اختي امتي وفين علشان مرة واحدة كدا تيجي طلبها مني علشان تجوزها

خالد بتفهم : يا بني هو ايه اللي اتعملت مع اختك فين وامتي .....اختك طول عمرها متربية قصاد عينا وعرفها كويس جدا

حيرام بشك : مش انت كنت بتتعامل معها علي اساس انها اختك الصغيرة ولا انا فاهم حاجة غير كدا

خالد بضيق: ايه اللي انت بتقوله دا يا حيرام.....ربنا يعلم أن كنت بتعامل مع اختك كأنها اختي الصغيرة .....ومازالت اختي .....حتي لو موافقش علي الجواز هي هتفضل اختي الصغيرة

حيرام بتصديق : ماشي يا صاحبي انا مصدقك .....بس ايه برضو اللي غير رايك ومخليك عايز تجوز اختي

خالد بتوضيح: عادي يا صاحبي.....كل الحكاية اني عايز أودع العزوبية واستقر وكنت بدور علي عروسة..... ف بصراحة كدا يعني يا صاحبي ملقتش احسن منك انت علشان انسبه

حيرام وهو يغمز له بعينه قائلا بمزح : ثبتني كمان يا واد

خالد بجد : عيب عليك يا صاحبي دا انت عشرة عمري .....الموضوع دا لو هياثر علي علاقتنا ......كانك ما سمعتش مني حاجة يا حيرام

حيرام بابتسامة جانبية : وانا عمري ما اكسفك يا خالد

خالد بعدم فهم قائلا : يعني ايه يا حيرام .....وافقت

حيرام وهو يطبطب علي كتف صديقه قائلا بابتسامة : وانا عمري ما هلاقي عريس لأختي زيك ورفضه

خالد بسعادة : و دا كان العشم برضو يا صاحبي

حيرام وهو يفتح له ذراعي قائلا بضحك : يلا تعالي في حضني يا جوز اختي

إحتضنه خالد قائلا بضحك : بقيت جوز اختك كدا علي طول من غير ما تاخد رأي العروسة الاول

حيرام بحدة: ليه هي ليها رأي بعدي ولا ايه .....طلامنا انا وافقت هي وافقت خلاص .....يلا تعال معايا علشان تقول لامي .....ما هي الخير والبركة برضو

خالد بابتسامة : طبعة يا حيرام لازم اطلع ل خالتي عفاف

حيرام بصوت عالي : واد يا نحلة خلي بالك من الورشة يا واد لغاية ما ارجع لك

نحلة : امرك يا معلم حيرام

اما في الأعلي

صعدت ياسمين الي شقتهم ودخلت سريعا الي غرفتها دون أن تلقي السلام علي أحد......كانت عفاف والدتها وغرام ومنار جالسين في الصالة عندما دخلت عليهم ياسمين فلاحظ الجميع تغيرها هذا