حيرام الغرام مكتملة ( بقلم : دينا فتحي )

الخاتمة

في ورشه حيرام

حيرام بقلق : انت متاكد من اللي انت بتقوله دا يا خالد

خالد بحزن علي حال صديقه قائلا : ايوه متاكد يا حيرام .....التحليل بيثبت ان الواد ابنك

حيرام بحزن: كان عندي امل ان الواد ميطلعش ابني .....علي الاقل كان في امل ان غرام ترجع.....انما دلوقتي بعد ما اتأكدت ان الواد ابني غرام هتفضل علي موقفها

خالد بحيرة: طيب انت كدا هتعمل ايه يا حيرام

حيرام وهو يضع يده علي رأسه قائلا بتعب : مش عارف يا خالد حاسس اني دماغي هتنفجر من كتر التفكير

خالد بتسأل: طيب انت حولت تفهم الموضوع ل غرام

حيرام: حولت كتير افهمها بس هي مصره علي الطلاق

خالد بحيرة : وانت هتطلقها يا حيرام

حيرام بعصبية: هطلاق مين انت اتجنينت ......لا طبعا معنديش طلاق .....هترجع ورجلها فوق رقبتها .....بس انا سيبها دلوقتي بمزاجي تريح اعصابها مش اكتر

نظر له خالد قائلا بضيق من أفعال صديقه : عارف يا حيرام مهما يحصل فيك عمرك ما هتتغير .....هتفضل طول عمرك ميهمكش غير نفسك وبس

حيرام باستغراب : بتقول ليه كدا يا خالد

خالد بتوضيح: بقولك كدا علشان طريقتك دي متنفعش هتخلي مراتك تكرهك اكتر......يا حيرام انت يعتبر خنت غرام يعني تحاول انك تغير من نفسك ١٨٠ درجه علشان ترضا ترجعلك

حيرام بنفاذ صبر : انجز يا خالد وقول .....اعمل ايه يعني

خالد بشرح: يعني اثبتلها انك اتغيرت فعلا .....يعني مهما تعمل فيك تستحمل مش انت بتقول انها مصره علي الطلاق .....انت بقا خليك وراها لغايه ما هترجع عن قرارها ......حاول تكون حيرام غير اللي هي عارفها.....خليها تشوف التغير بنفسها .....خليك حنين معها ورقيق ....حاول تعملها مفاجآت......يا بني الستات مش بتيجي غير كدا ......هو انا اللي هقولك يا معلم حيرام تعمل ايه

حيرام بتفكير : عندك حق يا خالد انا لازم اتغير علشان غرام وعلشان ابني اللي جاي في الطريق دا .....ثم اكمل بشرود : طيب اعمل ايه في العيل اللي ظهر لي فجأة دا

خالد : دا أمر واقع عليك يا حيرام .....كل اول شهر ابعتلوا مصاريفوا وكل اللي يحتاجه .....اهم حاجة اوعي تخلي غرام تحس ان العيل دا وخدك منها

حيرام بندم : معقوله غلطة تحصل في لحظة شيطان .....تكون نتيجتها خراب البيت

خالد : الغلط عمره مبيستخب ....واكيد في يوم من الايام هينكشف يا حيرام .....المهم دلوقتي تحاول تتغير بجد وغرام لازم تشوف التغير دا بنفسها

حيرام بعدم اقتناع : حاضر اتغير يا عم خالد .....في حاجة تاني

خالد وهو ينظر له بقرف قائلا: عمرك ما هتتغير والله ....انا امشي دلوقتي .....يلا سلام