حيرام الغرام مكتملة ( بقلم : دينا فتحي )

الفصل الثالث وعشرون

بعد حوالي ساعة ذهب حيرام الي العنوان المكتوب في الورقة وكان يقف امام باب الشقة ونبضات قلبه كانت تتسرع وهو يضع يده علي جرس الباب

بعد حوالي دقيقة كانت جواهر تفتح باب الشقة قائلا بمياعة : كنت عارفة انك جاي ......شكلي وحشك وعايز ترجع ايام زمان

حيرام وهو ينظر لها قائلا بقرف : لا يا حلوة مش جاي ارجع اللي فات ......ثم ازاحها من طريقه وتخطها ودخل الي الشقة وجلس علي اقرب كرسي قائلا بجد : انا جاي علشان عايزة اعرف كل حاجة حصلت معاكي من ساعة ما مشيتي من الحتة لغاية الساعة دي .....ويل ريت يكون من غير لف ودوران علشان مصيرك يا جواهر تكشفي وساعتها ورحمه ابويا ما ارحمك

جواهر وهي تغلق باب الشقة وأخذ تترنخ في مشيتها حتي وقفت أمامه قائلة وهي تضع يدها في خصرها وتميل عليه : وانت مكدبني يا حيرام......دا انا حتي جواهر حبيبتك ولا نسيت

حيرام وهو يزيحها من امامه قائلا بحدة : بقولك ايه يا جواهر شغل الغوازي دا ميتعملش عليا ......اخلصي وقولي اللي عندك

جواهر بمياعة : وانت مستعجل علي ايه .....اهدي كدا وانا هقولك علي كل حاجة

جذبها حيرام من ذراعها بقوة وهو يلقي بها علي الأريكة ويقف أمامها ويميل عليها قائلا بقسوة : ورحمه ابويا يا جواهر لو ما اتكلمتي وقولتي الحقيقة كلها .....لادفنك مكانك حيه ....انتي فاهمة

خافت جواهر من نبرته قائلة بارتباك : الحكاية وما فيها يا خويا من بعد ما سبت الحارة روحت اشتغلت في كباري كبير وليه اسم في شارع الهرم .....قولت خلاص يا بت يا جواهر الدنيا ضحكتلك واخيرا هتشتغلي في كباري وتبقي مشهورة مكملتش شهر هناك في الكباري وبقيت احس باعراض غريبة دوخة وترجيع وجسمي مهمد مبقتش اقدر اقوم من علي السرير .....روحت يا خويا عند الدكتور وقولي اني حامل في شهرين

حيرام وهو يعقد من بين حاجبه قائلا: ومين قالك ان العيل دا ابني ......ما يمكن يكون ابن حد تاني .....واديكي بتقولي كنتي في كباري كبير يعني اكيد كنتي مع كل يوم واحد

جواهر بتوضيح بقولك اشتغلت شهر واحد هناك .....وانا حامل في شهرين .....يعني كنت حامل قبل ما اشتغل او اسيب الحارة

حيرام بشك: وانا ايه يضمنلي ان العيل دا ابني

جواهر : علشان انت كنت آخر راجل انا كنت معاه الفترة اللي قبل ما اسيب الحارة

نظر لها حيرام بشك وهو يجلس علي الكرسي أمامها قائلا بشك : عارفة لو طلعتي بتكدبي اعمل فيكي

جواهر وهي تمسك في يده قائلة : وانا استفاد ايه طيب لما اكدب عليك .....انا عايزك تصدقني يا حيرام علشان ابننا ميتربش بعيد عن امه وابوه

حيرام وهو يجذبها من يدها قائلا بخشونة : قصدك ايه بأن الواد ميتربش بعيد عن امه وابوه

جواهر : قصدي انك تكتب عليا في السر وانا اوعدك ان محدش هيعرف بجوازنا .....وكفاية هيترب الواد مع امه وابوه