حيرام الغرام مكتملة ( بقلم : دينا فتحي )

الفصل السادس والعشرون

في صباح يوم جديد

كان حيرام يجلس امام ورشته شارد الذهن حين جاء في اتجاهه صديقه خالد قائلا : صباح الخير يا حيرام

انتباه له حيرام قائلا بحزن : ازيك يا خالد تعال اقعد ....ثم أشار له علي الكرسي أمامه

جلس خالد أمامه قائلا بحزن علي صديقه : عامل ايه ....مش احسن دلوقتي

حيرام : اكدب عليك لو قولتلك اني كويس.....بقيت لا عارف لا انام ولا اكل ولا اشرب ولا اشتغل ....مش عارف اركز في حاجه بمعني اصح

خالد وهو يطبطب علي كتفه قائلا : معلش يا صاحبي فتره وتعدي.....اهم حاجة احنا مش عايزين نقعد ايدينا علي خدنا .....عايزين نخلص وتثبت لو كان الواد دا ابنك ولا لا ........علشان الواد دا لو مطلعش ابنك موقفك يتغير شويه من ناحيه غرام

حيرام بعدم معرفه : طيب واحنا هنثبت ازاي يا خالد

خالد ببساطة: ناخد الواد ونعمل ليك وليه تحليل تعرف منه إذا كان الواد ابنك ولا لا

حيرام بعد تفكير وطريقه سوقيه : وانا لسه هستني تحاليل ......انا دلوقتي ممكن اروح عند بنت******اللي اسمها جواهر وافضل وراها لغايه ما تعترف الواد ابني ولا

خالد بتفهم : ما تبطل الهمجيه اللي فيكي دي بقا يا اخي ....كل حاجة هتيجي بالهدوء التحليل هيثبت كل حاجة ......انت لو روحت عندها وضربتها ولا حتي طلعت روحها ممكن برضو تكدب عليك

حيرام بتفكير : طيب الواد دا لو مطلعش ابني.....هي ليه تكدب من اساسه

خالد ببساطة: اكيد علشان تطلع بقرشين منك .....او عايزه تخرب بيتك مثلا ......اللي زي جواهر دي تتوقع منها اي حاجه

حيرام بشر : يا ولها ويا سود ليلها لو الواد دا مطلعش ابني انا مش قادر اتخيل اعمل فيها ايه

خالد: سيبك دلوقتي منها نثبت الاول الواد ابنك ولا لا .....وبعد كدا اعمل فيها اللي انت عايزه .....المهم عايزك تجبلي الواد منها باي طريقه النهاردة علي الساعه ٦ كدا

حيرام : ماشي

خالد بحذر : بس يا حيرام اوعي تظهرلها حاجة .....هات الواد في هدوء علشان احنا لغايه دلوقتي مش عارفين اذا كان ابنك ولا لا

هز حيرام رأسه له وهو يفكير في ماذا يحدث بعد ذلك

بعد حوالي ساعة

كان حيرام عند جواهر في المنزل لكي ياخذ منها الطفل

جواهر بخضه : عايز تاخد الواد ليه يا خويا

حيرام وهو يحاول يبان طبيعي قائلا : في ايه يا جواهر.....عايز اخد ابني افسحه شويه واجبهولك تاني .....ثم اكمل بخبث: مش انا ابوه برضو ولا ايه .....وليا حق عليه

جواهر بتوتر : ايوه يا خويا ابوه وليك حق عليه .......طيب ما تاخدني معاكم حتي اشم شويه هوا