حيرام الغرام مكتملة ( بقلم : دينا فتحي )

الفصل الثامن

في صباح اليوم التالي

في شقة الحاجة عفاف

كانت تجلس عفاف وياسمين ومنار علي طاولة الطعام يتناولوا طعام الافطار حين رن جرس الباب فنظرت عفاف الي ياسمين قائلة: قومي افتحي يا بت يا ياسمين ليكون حد من اخواتك

أقامت ياسمين من طاولة الطعام قائلة: حاضر .....ثم ذهبت في اتجاه الباب وفتحته .....فرأت مصطفي أخيها يقف أمام الباب فوقفت أمامه قائلة باستفزاز : عايز ايه

مصطفي وهو يرفع حاجبه لها قائلا: اوعي يا بت من قدامي عايز ادخل

ياسمين ب رخمة: لا مش هتدخل انت نسيت ان حيرام قالك تفضل في الشقة بتاع السطوح وما نشوفش وشك هنا تاني

مصطفي وهو يزيحها من طريقه قائلا بضيق : يا بت بطلي رخمت اهلك دي واوعي من طريقي بقا

مسكته منار من يده قائلة بضيق: انت ناسي ان منار جوا ومينفعش تدخل

مصطفي وهو يعطي بالكف علي وجهها قائلا بضيق : وانتي ناسية انها مراتي يا متخلفة .....ثم ازاحها قائلا: اوعي بقا

ياسمين بضيق : عيل رخم و المصحف

دخل مصطفي فرأي منار كانت تجلس بجانب والدته ومرتدية بجامة بنصف كم وتركه شعرها علي اكتافها ابتسم ابتسامة بلهاء عندما رائها هكذا قائلا بدون وعي: يخربيت حلوتك يا بت يا منار

خجلت منار وجاءت تقوم عندما رأته مسكت يدها عفاف قائلة: رايحة فين يا بت

منار بخجل : هقوم البس حاجة يا خالتي......مينفعش اقعد كدا يا خالتي

عفاف بضحك : يخربيت عقلك يا مصطفي كسفت البت ....ثم وجههت حديثها الي منار قائلة بابتسامة بشوشة : يا حبيبتي دا جوزك عادي لما تقعدي قدامه كدا يعني مش عيب ولا حرام

اقترب منها مصطفي قائلا بمكر: اقعدي يا بت دا انا حتي بيقولوا عليا زي جوزك يعني.....خليني اشبع من حلاوتك

نظرت له منار بإحراج وجلست بجانب عفاف وجلس بجانبها مصطفي فجاءت ياسمين قائلة بضيق : قوم ياض اقعد الناحية التانية انا قاعدة جانب منار

مصطفي وهو يزيحها قائلا باستفزاز : غوري يا بت يا لصقة واحد قاعد جنب مراته انتي ايه اللي يحشرك في وسطيهم

عفاف بضحك : اسكتوا بقا وانتوا عاملين زي الأطفال كدا

جلست ياسمين الناحية الأخري بجانب امها قائلة: ما هو اللي رخم

مصطفي بضيق: يا بن احترامي نفسك انا اخوكي الكبير
.
نظرت له منار قائلة بضحك : انت جاي تفتكر دلوقتي ان انت أخوها الكبير .....دي قاعدة عماله تهزق فيك من الصبح

مصطفي بهيام : ايوه طبعا الكبير......ثم اقترب منها قائلا بمشاكسة: بس قوليلي انتي حلوة كدا علي طول ولا ايه النظام