حيرام الغرام مكتملة ( بقلم : دينا فتحي )

الفصل السادس

نظرت له غرام في صدمة قائلة بتلعثم : حي ...حي ....حي..ر...ام

حيرام بابتسامة خبيثة : مالك القطة كلت لسانك ولا ايه يا ست الحسن

منار بتوتر : متعصبش نفسك يا معلم حيرام ......احنا علي فكرة مكنش هنمشي ولا حاجة

حيرام بسخرية : اومال كنتوا ريحين علي فين بالشنط دي .....كنتوا هتتبرعوا بيها لأقرب دار أيتام ولا ايه

منار بارتباك وخوف : والله انا قولتها بلاش بس هي ركبت دماغها

حيرام بأمر: خدي الشنط دي يا منار واطلعي بيها فوق .....العيب مش عليكي العيب علي اللي فاكرة نفسها انها ممكن تهرب من المعلم حيرام

اخذت منار الشنط وصعدت بهم الي شقتهم ......نظر حيرام الي غرام الواقفة في هدوء تام قائلا وهو يضع يده في جيوب بنطلونه ببرود : ايه يا ست الحسن.....فاكرة نفسك هتعرفي تهربي مني بسهولة دي

غرام وهي تنظر له بكره : اه يا حيرام ولو المرادي منفعتش .....المرة الجاي هتنفع واهرب منك باي طريقة

حيرام بضحكة ساخرة : لا والله برافو عليكي بجد ..... طيب وريني هتعرفي تهربي من ازاي بقا

غرام وهي تنظر له بقرف قائلة باستحقار : انت ازاي راضي علي نفسك انك تتجوز واحدة بالغصب .....ومش بتكره في الدنيا دي حد قد .....انت ايه يا اخي ماعندكش دم

نظر لها حيرام نظرة ارعبتها جعلها تبتر باقي كلامها قائلا وهو يجذبها من ذراعها بقوة قائلا بقسوة : اقسم بالله يا غرام لو سمعت منك كلمة زيادة متلوميش غير نفسك في إللي انا اعمله فيكي ......انا صابر عليكي للآخر..... ولولا اني قايل قدام الحارة كلها اني كتب كتابي عليكي يوم الخميس الجاي .....كان زماني دلوقتي جرك من ايدك علي اقرب مأذون وكنت كتبت عليكي دلوقتي حالا .....بس انا راجل وقد كلمتي وانا اعرفك ازاي تفكري بس انك تهربي مني

نظرت له غرام بشئ من الخوف من نبرة كلامه قائلة بغضب : مين اللي قالك اني اهرب واهسيبك .....ولا عرفت منين يا حيرام .....ولا انت بترقبني بقا

حيرام بثقة : مش محتاج ان حد يقولي انك هتربي مني ......عارفة ليه يا ست الحسن .....علشان انا المعلم حيرام قاعد ومستربع جوا دماغك الحلو دي .....وكنت عارف انتي بتفكري في ايه ......واللي اكد لي ان في حاجة في دماغك لما لاقيتك راضيا بالامر الواقع ومستسلم وتقولي.....ثم قلد طريقتها قائلا : كلامك صح يا حيرام.....انا عارف انك عنيدة ومش بتستسلمي بسهولة

غرام بغضب : طلامنا عارف اني عنيدة ومش بستسلم بسهولة اومال عايزة تجوزني ليه يا حيرام وانت عارف اني اهرب منك تاني وتالت ورابع لغاية ما اخلص منك

حيرام باستفزاز : اتجوزك علشان اكسر عنادك .....و اعرفك ان اللي بيعوزه المعلم حيرام بياخده مهما كان التمن ايه