حيرام الغرام مكتملة ( بقلم : دينا فتحي )

الفصل الثامن عشر

بعد مرور شهر علي هذه الأحداث

في شقة حيرام

كانت غرام تجلس امام التلفاز وهي تشعر بالملل والضيق من أفعال حيرام ويجلس بجانبها حيرام وهو منسجم تماما علي ما يشاهده في التلفاز

غرام بضيق: حيرام .....يا حيرام

حيرام بضيق : ايه يا بنتي هو انا في سابع بلد .....ما انا قاعد جنبك اهو

غرام بملل : حيرام انا حاسة بملل .......وحاسة اني مخنوقة وعايزة اعيط

حيرام وهو يضرب كف علي كف قائلا : طيب حاسة بملل ومخنوقة ليه.....ما انا قاعد معاكي زي ما طلبتي وبنتفرج علي فيلم سوا

غرام بغضب: اللي بتتفرج عليه دا مسمي فيلم .....انا قصدي علي فيلم رومانسي ....مش ابراهيم الابيض اللي بتفرجني عليه دا

حيرام بنبرة خشنة : وماله فيلم ابراهيم الابيض يا ست غرام ......ما فيلم حلو وجميل لأستاذ احمد السقا قدوتي في الحياة

نظرت له غرام بقرف قائلة : يا شيخ حرام عليك احمد السقا ايه .....ثم أكملت برجاء : يا حيرام انا نفسي تكون زي ظافر عابدين في رومانسيته كدا

حيرام بتريقة : ومين بقا عم ظافر بتاعك دا اللي بتشبهيني بيه

غرام بابتسامة حالمة : ظافر عابدين دا ملك الرومانسية .....بص يا حيرام ملكش دعوة ب ظافر علشان لو عملت ايه مش هتعرف تكون زيه .....انا عايزك تكون رومانسي علي الاقل .....ثم اكملت برجاء وهي تمسك يده : تعرف تكون رومانسي يا حيرام

حيرام بتعجب : رومانسي ......ثم اكمل بنبرة خشنة : طيب ما انا رومانسي يا غرام

غرام بضيق: فين الرومانسية دي يا حيرام هو انا من ساعة متجوزك قولتلي كلمة حلوة ......ولا سهرت معايا كدا علي فيلم رومانسي .......يا شيخ حرام عليك دا انا جالي جفاف عاطفي من يوم ما اتجوزتك

حيرام باستغراب : انا مش بقول كلام حلو يا غرام هي دي اخرتها ......اومال مين اللي لسه قايلك يا قلبي من شوية ......ثم اكمل بمكر وهو يقترب منها : ولو علي الرومانسية مش كل يوم بقضي معاكي ليلة ولا في الخيال

غرام وهي تضربه علي كتفه قائلة وهي تعوج فمها : ما هو دا اللي انت فالح فيه ......هو دا تعريفك عن الرومانسية يا حيرام

حيرام بنفاذ صبر: اومال انت عايزة ايه تاني ......ولا هرموناتك بقا هتشتغل عليا

غرام والدموع في عينها قائلة بغضب :انت بتكلم معايا كدا ليه ......صحيح ما انت خلاص خدت اللي انت عايزه و زهقت مني .... الله يرحم ايام زمان .....ثم اخذت الدموع تسيل علي وجهها

حيرام وهو يضرب كف علي كف قائلا بنفاذ صبر: يا بنتي رد عليا دلوقتي انتي بتعيطي ليه

غرام ببكاء يشبه الأطفال: انت مبقتش تحبني يا حيرام