حيرام الغرام مكتملة ( بقلم : دينا فتحي )

الفصل الثاني

في منزل العم مختار

كانت غرام تقوم بتحضير طعام الغذاء لأختها و ابيها في المطبخ حين دخلت عليها منار قائلة : غرام انا نازلة اجيب شوية حاجات محتاجها للكلية....محتاجة حاجة اجبهلك وانا جاية من برا

غرام بنفي : لا يا حبيبتي مش محتاجة حاجة اهم حاجة متاخريش علشان الغداء قرب يخلص

منار وهي ترحل قائلة بابتسامة: حاضر مش هطول ...ثم تركتها ونزلت لكي تجلب أشيائها وتركت غرام تكمل ما كانت تفعله

بعد حوالي خمس دقائق كان جرس الباب يرن خرجت غرام من المطبخ قائلة: معقول تكون منار خلصت كدا علطول .....مش من عويدها يعني .....ثم فتحت باب الشقة بدون ان تجذب طرحة لها ....لانها تعلم أنها أختها التي ترن الجرس قائلة: يعني جيتي علطول كدا يا....

ثم قطعت كلامها عندما رأته يقف أمامها وهو يضع يد في خصره واليد الأخري يضعها علي الباب قائلا وهو يغمز لها بعيونه : انا لو اعرف ان كل الحلوة دي هي اللي تتفتح الباب كنت قعدت قدام الباب من امبارح

رزعت غرام في وجهه الباب عندما رأته أمامها قائلة : يا نهار اسود.....هو ايه اللي جابه هنا دا

فاقت من حديثها علي صوت طرقات منتظمة علي باب الشقة كأنه يعزف مقطعه موسيقية قائلا بمكر : ما تفتحي بقا يا ست الحسن والجمال

وضعت غرام علي شعرها طرحة وفتحت باب الشقة قائلة بغضب : نعم عايز ايه .....وايه جابك عندنا

حيرام وهو يغمز لها قائلا بمشاكسة : أصل شميت ريحة الاكل بتاعك من علي السلم قولت اطلع ادوق منه ..... اشوفك بتعرفي تطبخي ولا هتوجعي بطني بعد الجواز

غرام بكره : نجوم السماء اقربلك يا حيرام....مش هطول مني شعره طول ما انا عايشة

اقترب منها حيرام وجذب خصلة من شعرها من تحت حجابها قائلا وهو يغمز لها بعينه قائلا بخبث : اهو اديني طول اول شعر .....عقبال ما اطول شعرك كله

أزاحت غرام يده قائلة بغضب : انت اتجننت يا حيرام ما تحترم نفسك ولا اللي زيك ميعرفش يحترم نفسه شوية .....وانت طالع ليه هنا

حيرام ببرود : اهدي علي نفسك يا ست الحسن والجمال ليطقلك عرق وانتي زعلانة كدا ......خليني في المهم انا كنت طالع اشوف عم مختار الراجل الطيب

غرام وهي تربع يدها أمام صدرها قائلة بضيق: وعايز ابويا في ايه يا حيرام .....ومن امتي اصلا بتطلع تشوف ابويا

حيرام وهو يبعدها عن طريقه قائلا بطريقة مستفزة : عايزه في موضوع خاص وملكيش دعوة انتي ......ثم ذهب في اتجاه غرفة العم مختار

وتركها تاكل في نفسها من كثرة الغيث بسبب أفعاله معاها قائلة لنفسها : بني ادم متخلف وغبي ....ثم دخلت في اتجاه المطبخ تكمل تحضير الطعام