حيرام الغرام مكتملة ( بقلم : دينا فتحي )

اقتباس

كان حيرام يجلس امام ورشته ويمسك الشيشة في يده حين جاءت في اتجاه فتاه ترتدي عباية سمرا ضيقة وتترنخ في مشيتها ( شكلها يدل علي رقاصة وهي رقاصة حقيقي 😂 )

وقفت أمام حيرام مباشرة وهي تضع يدها في خصرها قائلة بمياعة : وحشتني يا معلم حيرام

رفع حيرام بصره لها قائلا بدهشة : جواهر.....ايه اللي رجعك هنا تاني

جواهر بخبث : اعمل ايه الشوق هو اللي مرجعني .....وهي دي كلمة حمدالله على السلامة

حيرام وهو يقوم من مكانه قائلا باختصار : ماشي يا جواهر.....حمد الله علي سلامتك اتفضلي بقا علي بيتك علشان الوقفة دي متنفعش احنا قدام محل اكل عيش

جواهر بمكر : ماشي يا معلم انا امشي دلوقتي.....ثم غمزت له بعينها قائلة بوقاحة وهي تضع يدها علي كتفه : بس مش عايزك تأخر عليا علشان انت وحشني خالص

حيرام بتوتر وهي يدور ببصره حوله قائلا : جواهر اتعدل وانسي اللي فات علشان خلاص اللي فات مات انا دلوقتي بقيت راجل متجوز

جواهر بعدم تصديق : بتقول ايه يا حيرام.... اتجوزت واتجوزت مين بقا ان شاء الله

حيرام بشدة : مبقاش في غير الغازية اللي تقولي اتجوزت مين ......ما تتعدلي في كلامك يا مرا

جواهر بعصبية : لا مش اتعدل يا حيرام .....وهتقولي اتجوزت مين ودلوقتي حالا

حيرام بنفاذ صبر : اتجوزت غرام يا جواهر ارتاحتي كدا

جواهر وهي تضرب يدها علي صدرها قائلة بغضب: غرام بنت مختار .....ست الحسن والجمال بتاعتك

جذبها حيرام من يدها قائلا بخشونة: بقولك يا روح امك لو جبتي سيرة ستك غرام تاني متلوميش غير نفسك

أزاحت جواهر يده حيرام من عليها قائلا بحقد وغل : ماشي يا حيرام ......خليك ما غرام براحتك بس انا عايزة اسمعك كلمة واحدة ودي اللي جيلك علشانها ......ثم فجرت قنبلتها قائلة : انا معايا عيل منك يا حيرام عنده ٣سنين .....من ساعة ما سبت الحارة هنا بعدها علي طول اكتشفت اني حامل في عيل منك

حيرام بعدم تصديق : انتي بتقولي ايه.....اكيد الكلام دا محصلش وكدب

جواهر بثقة : براحتك متصدقش .....ثم اخراجت ورق من شنطتها ووضعت في يده قائلة : الورقة دي فيها عنواني الجديدة لو عايزة تتأكد ان الواد ابنك تعالي أتاكد

ثم تركته ورحلت كما جاءت وتركت حيرام في صدمته لا يستوعب ما قالته منذ ثواني

************

توقعكم يا بنات في إللي جاي  👋

حيرام الغرام 💖

بقلم : دينا فتحي