الفصل "25 " الجزء الاول :-
دلف " شهاب " إلي مكتب " عمير " متجهم الوجه فهتف عمير بنبره غامضه بمجرد ان راه :
- ها جهزت كل حاجه انا عايز العمليه دي ميبقاش فيها غلطه عايز كل حاجه علي مياه بيضا
شهاب :
- كل حاجه اتوضبت يا باشا متقلقش والعربيه زمانها دلوقت راحه تجيب البت اول ما تطلع مالامتحان
عمير بإبتسامه شيطانيه :
- كويس اوي ..ونبقي نشوف بقي اللعب علي اصوله يا ياسين ..
.....
الساعه ١ بعد الظهر امام لجنه الامتحانات
خرجت " عايشه " من لجنه امتحاناتها وقابلت ريم التي ابتسمت فور ان رأتها وهتفت :
- اوعا بقي اخيرا خلصنا تعليم انا مش مصدقه نفسي والله
عايشه بإبتسامه شارده:
- والله ولا انا مع ان الماده دي امتحانها كان رخم بس الحمد لله يعني ....ده انا لسه فتحاها من يومين يدوبك
ريم بإعتراض :
- يا ختي يومين ولا شهرين اهي عدت وخلاص هنتخرج بقي
ضيقت عايشه عينيها وهتفت بسخريه :
- نسيتي النتيجه ولا اي واثقه في نفسك اوي يعني انتي
اختفت الابتسامه من علي وجه ريم وهتفت بعبوس :
- يالهوي عليكي يا عايشه بومه والله ..وبعدين بعد الشر عليا لا انا معتبره نفسك اتخرجت خلاص والشهاده ناجحين فيها ان شاء الله ..قوليلي بقي عامله اي مع خطيبك بيخرجك ولا اي ؟
عايشه :
- بيخرجني اي يبنتي ده احنا لسه مخطوبين مبقالناش يومين وبعدين كنت بذاكر فهو سابني علي راحتي ومشوفتوش اصلا من يوميها غير النهارده الصبح اما وصلني
فردت " ريم " وهي تلوي شفتيها :
- يخربيتك طفشتيه كده من اولها ليه حصل اي.؟؟.. قوليلي بسرعه تلاقيكي رميتي كلمتين من الدبش بتوعك
ضحكت " عايشه " بشده وهتفت :
- يستي وربنا معملت حاجه انا نكديه ااه بس لسه نكدي متفعلش معاه... ونستيني صحيح كنت هقولك علي حاجه
ريم بفضول :
- ها قولي حصل اي ؟
عايشه ببرود :
- مش ادهم كلمني تاني.. قال واي.. فاكرني اتخطبت عشان اغيظه... فاكر نفسه حاجه بالنسبالي اتهبل باين
ريم وهي تتطلع الي ادهم الواقف بعيدا عنهم :
- فكك منه ده بقي ماضي خلاص.... واهو واقف مع زينب ولا علي باله عمالين يضحكوا مع الشله بتاعتهم " فتطلعت عايشه الي مكان ادهم بفضول وعدم اهتمام واكملت ريم بشك" انتي يبنتي بتصدقي الشويتين بتوع اللي زي ادهم ده ...
أنت تقرأ
الدميمه التي احبيتها
Romanceفتاه بسيطه لا تشبه الاميرات بالقصص الخياليه ولا باحلام الامراء اصحاب الخيول البيضاء فكيف ستوقع اميرا لياخذها علي حصانه ؟! ام ستبقي وحيده ويتزوج الامير اميرته ؟!
