نظر لها " ياسين " بإستغراب ومن ثم هتف بدهشه متذكرآ :
- انتي عايشه محسن !
عقدت " عايشه " حاجبيها ومن ثم هتفت :
- ايوه حضرتك مش فاكرني انت اللي وصلتني بعد امااا اا..!
واحمرت وجنتيها حينما تذكرت ما حدث بالحفل وتدفقت الذكريات الي ياسين بسرعه وتعرف الان علي سبب شعوره بالالفه حينما ذهب الي الحي ولكن يا للدهشه فهذه الفتاه والتي قابلها من قبل تبين الان انها ابنه عمه الذي تعرف عليه حديثا وبالصدفه
افاق " ياسين " مش شروده علي صوتها تناديه بملل بعدما ابتعدت عنه قليلا :
- ياسين بيه ..حضرتك معايا اسفه اوي اني خبطت فيك مكنتش واخده بالي خالص ..
ياسين بإبتسامه :
- ولا يهمك ..بصي هو الوضع غريب انا عارف بس لازم نتكلم
عايشه بخشونه :
- نتكلم في اي ..حضرتك معلش هو في بينا كلام
ياسين بتوضيح
: بصي من حقك تستغربي بس لازم نقعد في اي كافيه لانه مينفعش هنا
عايشه : وليه مينفعش هنا ؟
وقبل ان يجيب " ياسين " فوجي بشخص يمسك باعلي ذراعيها بقسوه وعلي وجهه كل علاماات الغضب والسخريه فالتفت " عايشه " وهي تشهق بدهشه
فهتف " ادهم " بإبتسامه ساخره :
- وعاملالي فيها خضره الشريفه ومقضياها مع الرجاله ووانا اللي قولت ظلمتك اتاريكي بتلعبي علي تقيل
عايشه وهي تنتزع يديها منه وتهتف بغضب وبصوت عالي :
- انت اتجنتت يا ادهم ازاي تمسك ايدي كده وازاي ليك عين تتكلم بعد اللي عملته ..انت مقرف " وصمتت بغيظ وهي تلقي نظره قرق وامتعاض عليه "
ومن ثم هتف " ياسين " بنبره هادئه بارده متذكرآ ذلك الشاب الذي التقي به بالحفل والذي يعتبر شريكه :
- اهدي بس كده يا ادهم انت فاهم غلط مفيش حاجه حصلت..واعتقد حتي لو حصل ميخصكش فاتكل علي الله عشان مش عايز اعملك مشاكل
فأبتسم ادهم بإستهزاء وهو ينظر اليه :
- تعملي مشاكل لا وريني كده يا حلو هتعملي ازاي اصل محسوبك بموت في المشاكل
ابتسم " ياسين " ومن ثم هم بالقرب منه حتي وقفت " عايشه بينهم وهي تراقب الحشد القليل الذي بدء بالازياد من حولهم يراقبون ما يحدث بفضول وتسليه :
- خلاص يا ياسين بيه سيبك منه ميستاهلش اصلا ويلا نمشي
ادهم مازال علي ابتسامته المستفزه :
- اه اسمع كلامها يا ياسين بيه ..اصلها ولاموخذه شكلها مرعوب اوي الا يحصلك حاجه
عايشه وهي تهمس له :
- ارجوك مش عايزه مشاكل الناس بتبص علينا
نظر " ياسين " لها ومن ثم هتف :
- اللي هعمله ده مش هيعملك مشاكل بالعكس ..هيردلك اعتبارك
أنت تقرأ
الدميمه التي احبيتها
Romanceفتاه بسيطه لا تشبه الاميرات بالقصص الخياليه ولا باحلام الامراء اصحاب الخيول البيضاء فكيف ستوقع اميرا لياخذها علي حصانه ؟! ام ستبقي وحيده ويتزوج الامير اميرته ؟!
