الفصل "11"
" قصر جديد "
انتهت " عايشه " من تجهير امتعتها بحقيبه سفر كبيره وحقيبه اخري صغيره تحمل ظهرا بعدما ساعدتها ريم بخلع ملابسها وتبديلها باخري نظيفه
طرق احد ما الباب فسمحت له بالدخول فدلف رجل يرتدي بذله سوداء ويهتف :
- ياسين بيه بلغني اخد الشنط لو حضرتك خلصتي هو منتظركم تحت
فهتفت عايشه :
- ااه اتفضل الشنطه الكبيره .... والصغيره دي سيبها هجيبها وانا نازله
تحرك الحارس بأدب وحمل الحقيبه وخرج وظهر من ورائه " يوسف " وهو يطلق صافره صغيره وويترنج ويبدو عليه الانتشاء الشديد من السجائر المحشوه التي تظهر اثارها بيده ويهتف بضحك متواصل :
- اي يست عايشه علي فين العزم هتهاجري كندا ولا اي ..طب مش عيب كده ..كنتي حجزتيلي تذكره علاقل اونسك
نظرت له " عايشه " نظره سوداء واستقامت من عالفراش تساعدها " ريم " الممتعضه هي الاخري علي ان تصمد له وهتفت بجمود :
- اي اللي جابك الساعه دي يا يوسف مش خدت الفلوس عشان تشتري الهباب اللي يتشربه اتفضل مع السلامه من غير مطرود عشان مش فضيالك دلوقت
فضحك يوسف وبفمه السجاره ومن ثم اسقطها ارضا ودعسها بحذائه واقترب منها ومن ثم هتف :
- لا ده انتي تفوقيلي كده يا اختي يا حبيبتي من هنا وارايح عشان انا ان شاء الله نويت اعيش هنا ورجلي علي رجلك في اي مطرح تروحيه ولا اي يا عسل انتي
هتف اخر كلماته ناظرآ ' لريم " وهو يحاول امساك خدها ولكنها ابعدت وجهها بعيدا عن يديه القذره وهتفت مبتعده عنهم :
- هستناكي برا يا عايشه
اؤمت لها عايشه برأسها بينما تحركت بالغرفه تجمع كتب دراستها وتهتف :
- روح شوفلك مطرح تاني لاني مش راجعه هنا والمكان اللي انا رايحاه مش هينفع لامثالك تاني يا يوسف واحسنلك تدورلك علي شغلانه لاني مبقتش استحمل قرفك
فاسرع يوسف ممسكا اعلي ذراعيها وهو يجذبها لتواجهه :
- مطرح تاني مين يا ختي لا انا رجلي علي رجلك مش هتعتعي من هنا غير ومعاكي راجل انتي فاهمه ولا اي وبعدين انتي ليكي متوا غير هنا قوليلي يبت احسن حد يكون لعب في دماغك وانتي غلبانه كده ردي انطقي
سحبت " عايشه " يديها منه وصرخت لتفقد السيطره علي اعصابها :
- انت مش بني ادم انت واحد قذر مخدتش بالك من شكلي... لبسي.. اي حاجه ولا من حاله البيت مسالتش عن الراجل اللي طول عمره بيرعاك زي ابنه ؟ ..اللي انت متعرفوش يحيوان انت ان بابا مات ..
وسردت له البقيه سردا سريعا وكانت دموعها قد تحجرت بعينيها وكانها جفت من فرط حزنها بينما يوسف يقف امامها مفرغ الفم يكاد لا يصدق ما يخرج من فمها كانت بجواره زجاجه من الماء فاسرع يسكب محتواياتها علي راسه لعله يستفيق من حاله الاوعي هذه بينما دلفت " ريم " الي الغرفه هاتفه
- عايشه انا اسفه اوي لازم امشي ماما بتكلمني وقلقانه اوي عليا و...!!
اسرعت " عايشه " تقاطعها :
- روحي بيتك يريم انتي تعبتي معايا النهارده وانا اصلا مش قاعده هنا اكتر من كده
أنت تقرأ
الدميمه التي احبيتها
Romanceفتاه بسيطه لا تشبه الاميرات بالقصص الخياليه ولا باحلام الامراء اصحاب الخيول البيضاء فكيف ستوقع اميرا لياخذها علي حصانه ؟! ام ستبقي وحيده ويتزوج الامير اميرته ؟!
