နတ်ဘုရားအဆင့် host ၏ အချစ်​တော် system Arc 1

Arc 1.16

Unicode

ဒါ​တွေက လီမိသားစုကို ပြိုလဲသွား​အောင်ရိုက်ချ​နေတဲ့ မုန်တိုင်းလိုပဲ

အပြင်လူ​တွေက​တော့ သာမန်အတင်းအဖျင်း​လောက်သာ ထင်မှတ်ကြမှာ​ပေမယ့် ကာယကံရှင်​တွေက​တော့ သူတို့မိသားစုကို တစ်​ယောက်​ယောက်က အမြစ်က​နေဆွဲဖြိုဖို့ ကြံ​နေပြီမှန်း ရိပ်မိကြတယ်

လီမိသားစုရဲ့ ဂုဏ်သိက္ခာက ​လုံး၀ပျက်စီးသွားပြီး ရှယ်ယာ​စျေး​တွေကပါ ​မြောင်းထဲထိ ထိုးကျကုန်တယ်

နဥ်မုန့်က ဆိုဖာ​ပေါ်မှာ ​ကွေး​ကွေး​လေး အိပ်​နေတယ်

ချီယွိက ​လှေကား​ပေါ်က ဆင်းလာတဲ့အချိန် သူ့အ၀တ်အစား​တွေက ခါတိုင်းလိုရိုးရိုးရှင်းရှင်းပဲ ဆို​ပေမယ့် နဥ်မုန့်က​တော့ သူမရဲ့hostက ဒီ​နေ့မှာ တစ်ခုခုထူးခြား​နေမှန်း သတိထားမိလိုက်တယ်

နဥ်မုန့်က ဆိုဖာ​ပေါ်က​နေ ခုန်ဆင်းလိုက်ပြီး ချီယွိရဲ့​နောက်က အမြန်လိုက်သွားတယ် "host..အပြင်သွားမလို့လား"

"​အင်း..ငါတို့ တူတူသွားကြမယ်" ချီယွိက နဥ်မုန့်ရဲ့​အ​မွှေးတွေ သူ့ကိုယ်​ပေါ်ကပ်မှာကိုစိတ်မပူဘဲ ချက်ချင်း ​ကောက်​ပွေ့လိုက်တယ်

*ရှန့်ချာကျွီ*က နန်ချန်းမြို့မှာ နာမည်အကြီးဆုံး လက်ဖက်ရည်ဆိုင်ဖြစ်တယ်

ဒီဆိုင်ဟာ နာမည်တစ်ခုပဲ ​ထူးခြားတာမဟုတ်ဘဲ သူ့ရဲ့ အ​ဆောက်အအုံပုံစံနဲ့ ဆိုင်တွင်းအပြင်အဆင်ကပါ ​တော်၀င်ဆန်တာဖြစ်တယ် ​ရှေး​ခေတ်ပုံစံအပြည့်အ၀လည်းမဟုတ်ဘဲ ​ခေတ်​ဟောင်း ​ခေတ်သစ် ပုံစံနှစ်မျိုး​ရောစပ်ထားတဲ့ပတ်၀န်းကျင်နဲ့ လက်ဖက်ရည်နံ့ခပ်သင်းသင်းကြောင့် စိတ်ကို လန်းဆန်း​ပေါ့ပါး​စေတယ်

ဒီဆိုင်မှာ သီးသန့်ခန်း​တွေရှိရုံသာမကဘဲ သာမန်ဆိုင်​ဟောထဲက ​နေရာ​တွေကိုပါ စားပွဲတစ်ခုနဲ့တစ်ခုကြား အကာအရံ​လေး​တွေထားထား​ပေးတာ​ကြောင့် စကားကျယ်ကျယ်မ​ပြောသ​ရွေ့ အ​နှောက်အယှက်ဖြစ်တယ်လို့ ခံစားရမှာမဟုတ်ဘူး ဒါ့အပြင် စားပွဲအသီးသီး​ဘေးက ပန်းပင်ငယ်​လေး​တွေကလည်း ဧည့်သည်​တွေကို လန်းဆန်း​စေတယ်