( Unicode )
မဖိတ်ခေါ်ထားသည့် ဧည့်သည်နှင့်တွေ့ဆုံပြီးကတည်းက သူ့ညီငယ်၏စိတ်အခြေအနေမှာ သိပ်မကောင်းလှကြောင်း ရှောင်းဝေ့ သတိထားမိသည်။ထို့ကြောင့် ဟွေးအော်ဆီ အနည်းငယ် တီးခေါက်မိရာ အနှီဧည့်သည်ဆိုသူမှာ မိဖုရားငယ်တစ်ပါးဖြစ်နေမှန်း သိလိုက်ရပေသည်။ မည်သည့်အရေးကိစ္စမှန်း သူမသိသော်လည်း
ကောင်းတာမဟုတ်တာတော့ သေချာသည်။ရှောင်းဝေ့သည်ကား အကြီးမပီသစွာ အိမ်တော်ကိုဦးစီးဦးဆောင်မှု မပြုနိုင်ခဲ့သည့်အတွက် ကိုယ့်ကိုယ်ကိုယ် အပြစ်တင်မိလေ၏။
" ဘာဖြစ်လို့လဲ နေမကောင်းဘူးလား ကိုယ့်ကိုပြောပြပါဦး "
ရှောင်းဝေ့မျက်နှာလေး ညှိုးနေသည်ကိုမြင်သော် မော့ယွင်က မေးမြန်းလာသည်။
" ဟင့်အင်း ဘာမှမဖြစ်ဘူး "
မော့ယွင်က မျက်ခုံးပင့်သည်။ " ကိုယ်တော့ မယုံပေါင် "ဟူသည့် စကားလုံးများက မျက်နှာတွင် အထင်းသား ရေးထား၏။
" သကာရည်လောင်းထားတဲ့ ကြာပန်းမုန့်ကြွပ်တွေစားချင်လား..ကိုယ်ဝယ်ကျွေးမယ်လေ "
သူ့ကို နှစ်သိမ့်ပေးဖို့ရာ အားကြိုးမာန်တက်ကြိုးစားနေသည့် လူကြီးကို ကြည့်ရင်း ရှောင်းဝေ့က ဟက်ဟက်ပက်ပက် ရယ်၏။
သည်ယောကျာ်းက ချစ်စရာကောင်းလွန်းတယ်
" ကျွန်တော့်ဖာသာလည်း ဝယ်စားနိုင်ပါတယ်နော် "
" ကိုယ်သိပါတယ် "
မော့ယွင်က တစ်ဖက်လူ၏ ပါးအိအိလေးများကို ဆွဲညှစ်လာသည်။ နူးနူးညံ့ညံ့အသားစိုင်လေးတွေက သူ့လက်တွေထဲမှာအပြည့်။
" စားမှာလား မစားဘူးလား "
" ညနေကျမှ လျှောက်လည်ရင်းနဲ့စားမယ် ၊ ခင်ဗျား ဝယ်ကျွေး "
" ပြောတော့ ကိုယ့်ဟာကိုယ်လည်း ဝယ်စားနိုင်တယ်ဆို "
" တောင်ကြားသခင်တစ်ယောက်လုံးကို ချစ်သူတော်ထားပြီးတော့
ကျွန်တော်က ကိုယ့်အိတ်ထဲကကိုယ်ထုတ်စရာလား "
စကားတတ်လွန်းသည့် ကောင်လေးကြောင့် မော့ယွင်တစ်ယောက် ကုန်ခဲ့ရတဲ့ငွေစတွေမနည်းပေ။ သို့သော် သူစိတ်မရှိ။ သူပိုင်ဆိုင်သမျှစည်းစိမ်တွေအကုန် ဖြုန်းပစ်ရင်တောင် မော့ယွင်က ပြုံးပြုံးကြီး ထိုင်ကြည့်နေဦးမှာပင်။
YOU ARE READING
Shizun
Historical FictionUnicode " ရှောင်းသခင်ငယ်လေးလိုလူမျိုးက သူ့အပိုင်ကိုမျှဝေရတာကို သဘောမကျဘူးလေ ၊ သူတစ်ယောက်တည်းပိုင်ရရင်ပိုင် မပိုင်ရရင် လက်လွှတ်လိုက်မဲ့လူမျိုး " Zawgyi " ေရွာင္းသခင္ငယ္ေလးလိုလူမ်ိဳးက သူ႔အပိုင္ကိုမ်ွေဝရတာကို သေဘာမက်ဘူးေလ ၊ သူတစ္ေယာက္တည္းပိုင္ရရင္ပိုင...
