Unicode
သားအဖနှစ်ယောက်ကို ကြည့်ပြီး ပေထန်းမင်ချန်း သက်ပြင်းသဲ့သဲ့ချသည် ။
" သူ့ကို ဂရုစိုက်ပေးပါ။ မင်းနဲ့အပ်ခဲ့မယ်။ ဖြစ်နိုင်ရင်.... ဘာမှမဟုတ်တော့ဘူး။ ဒီအတိုင်းလည်း ကောင်းမှာပါ။ "
" အင်း။ မှတ်မိခြင်းကလည်း ဒုက္ခတစ်မျိုးပဲ။ "
ည၌ ပေထန်းမင်ချန်း ရေချိုးခန်းမှ ထွက်လာစဉ် ခုတင်ပေါ်ဘေးတစောင်းလှဲလို့ အိပ်ပျော်နေပုံပေါ်သည့် စူးယွမ်ဟန်ကို မြင်သည်။
သူ မီးပိတ်ပြီး စောင်ကိုမဝင်ကာ နောက်ကနေ ဖက်ထားလိုက်သည်။
ရုတ်တရက် စူးယွမ်ဟန်လှုပ်ရှားလာပြီး ခပ်ယေးယေးဆိုသည်မှာ
" မင်းပြောကြည့်။ အဖေ ငါ့ကို မှတ်မိမှာလား?"
" မှတ်မိမှာ။ မင်းက သူ့သားပဲဥစ္စာ။ "
စူးယွမ်ဟန်က မျက်နှာကျက်ကို တည်တည်ငြိမ်ငြိမ် ငေးကြည့်ရင်း။
" အရမ်းနောက်ကျသွားမှာ စိုးတယ်...."
သူ့ကို ပေထန်းမင်ချန်း တင်းတင်းဖက်လိုက်သည်။
စူးယွမ်ဟန်သည် အမှောင်ထဲ လှည့်၍
" မင်းကို မပြောရသေးဘူး။ ကျေးဇူးတင်ပါတယ်။ "
" မလိုပါဘူး။ မင်းကိုဒီအကြောင်း စောစောကမပြောခဲ့မိလို့ ငါ နောင်တရနေတုန်းပဲ။ "
" ငါ မေးချင်နေတာ... အဖေ့ကို .... မင်း ဘယ်လိုရှာတွေ့လဲ?"
ပေထန်းမင်ချန်း ပြန်မပြောခင် ခေတ္တမျှ တုံ့ဆိုင်းပြီးမှ
" တို့တွေ နှစ်နဲ့ချီ အတူနေလာတဲ့တစ်လျှောက် ငါ မင်းကို လေးစားလို့ မင်းရဲ့ ကိုယ်ရေးကိုယ်တာအကြောင်း တစ်ခါမှ မမေးခဲ့ဘူး ။ မင်းမပြောရင် ငါ မစပ်စုဘူး။ ဒီတစ်ခါ... လူလွှတ်ပြီးစုံစမ်းခိုင်းတာ ငါ့အစ်မ။ "
စူးယွမ်ဟန်၏ နှလုံး ခုန်သွားပြီး စံအိမ်မှာတုန်းက သူ့အား ပေထန်းယာကျီး တိုက်ရိုက်မေးခဲ့ချိန်ကို ပြန်တွေးဖြစ်သည်။ ထင်တာတော့ ပေထန်းယာကျီး ရှင်းရှင်းလင်းလင်း စုံစမ်းခဲ့ပြီးသည်မဟုတ်ပါလော? သည်လိုလုပ်ရသည့် သူ(မ)၏ ရည်ရွယ်ချက်မှာ....
" ငါ မောရယ်တစ်ယောက်ဆိုတာ မင်းအစ်မကြီး သိပြီးသား မဟုတ်လား? ငါ့ရဲ့ လက်ရှိ..... သူ(မ) သိလား?"
YOU ARE READING
ကံကြမ္မာတောင်းဆု (မြန်မာပြန်) COMPLETED✔️
RomanceAuthor(s) Shi Shi 十世 Artist(s) YO花OY 10 chapters + 2 extras Retranslating with permission from English Translation Group. Credits and Thanks to RosySpell Translation. Eng Tran links: https://rosyspell.wordpress.com/seeking-fate/ https://www.wattpa...
