Unicode
ပေထန်းမင်ချန်း အိမ်ပြန်ရောက်သောအခါ အလွန် စိတ်ဖိစီးသွားသည်။
ထိုကောင်လေးရောက်ရှိမှုကြောင့် စူးယွမ်ဟန်၏ အားအင်ကို တက်ကြွစေသည်။ သို့သော် တစ်ဖက်က လူစိမ်းများနှင့် ဘယ်တော့မျှ ဆက်ဆံရခြင်းမနှစ်သက်သည့် ပေထန်းမင်ချန်းအတွက်မူ စူးယွမ်ဟန်နှင့် အေးချမ်းသည့်အိမ်လေးဆီ သူစိမ်းတစ်ယောက် ကျူးကျော်စွက်ဖက်လာသည်ကိုကြည့်ရင်း ခက်ခက်ခဲခဲ ညှိယူရသည်။
သူ့ကို ချင်စုမြင်လျှင် အကြာမှ အကြာကြီး မင်သက်သွားသည်။ စကားတထစ်ထစ်နှင့်
" ခင်ဗျားက.... မော်ဒယ်မဟုတ်လား.... ကျော်ကြားတဲ့မော်ဒယ် ဝါနာ?"
ဂေဟာရှိ မိန်းကလေးအများအပြားက သူ့ပရိတ်သတ်ဖြစ်သည်။ သူတို့ခမျာ ချွေးနည်းစာမုန့်ဖိုးလေးတွေစု၍ ပေထန်းမင်ချန်း၏ မဂ္ဂဇင်းများကို ပေါင်းဝယ်ကြရှာသည်။ ချင်စုသည်လည်း... သူ၏ တောင့်ဖြောင့်သောပုံစံကို တကယ် နှစ်သက်၏။ သူ့လို ဝမ်းဗိုက်ကြွက်သားမျိုးရအောင် သူ ရည်ရွယ်ထားသည်။
" မှားနေပြီ။ ငါ့ကို ပေထန်းလို့ခေါ်။ "
ပေထန်းမင်ချန်းက တည်ငြိမ်စွာ ပယ်ချသည်။
ပေထန်းမင်ချန်း၏ သရုပ်သကန်သည် အထူးသဖြင့် ချင်စုလို ရိုးသားသည့်လူငယ်လေးအတွက် ယုံကြည်စေရန် သိမ်းသွင်းနိုင်သော ပါဝါနှင့် လွှမ်းမိုးမှု အငွေ့အသက်မျိုး ပြသနေ၏။
" ဪ.... အင်း... စိတ်မရှိပါနဲ့။ ဒါဆို ပေထန်းလို့ခေါ်မယ်။ တွေ့ရတာဝမ်းသာပါတယ် လူကြီးမင်း ပေထန်း။ "
ချင်စုမှာ စိတ်လှုပ်ရှားလွန်း၍ စကားထစ်နေတုန်းပင်။
ဒါပေမယ့် တကယ် ဝါနာနဲ့တူတယ်....
စူးယွမ်ဟန်က သူ့ခေါင်းကို အသာဖွ၍
" ကောကောလို့ပဲခေါ်။ ပေထန်းကောကော ဆိုပြီး။ "
ချင်စု မင်တက်သွားရပြန်သည်။
သူ့ကို ကောကောလို့ ခေါ်ရမယ်?
သောက်ကျိုးနည်း... ဒီလောက် မောက်မာတဲ့.... လူမျိုးကို, ကောကောလို့ ခေါ်နိုင်ပါ့မလား?
တစ်ချက်ကြည့်ရုံနှင့် ပေထန်းမင်ချန်းဟာ သာမန်လူမဟုတ်ကြောင်း သိနိုင်သည်။ နဂိုက လူများအား အမှတ်မထင် လေးစားအံ့အားသင့်စေသော စရိုက်နှင့် မွေးဖွားလာသူ။ သို့ဖြစ်၍ သူ့အား မစော်ကားရဲ။
ŞİMDİ OKUDUĞUN
ကံကြမ္မာတောင်းဆု (မြန်မာပြန်) COMPLETED✔️
RomantizmAuthor(s) Shi Shi 十世 Artist(s) YO花OY 10 chapters + 2 extras Retranslating with permission from English Translation Group. Credits and Thanks to RosySpell Translation. Eng Tran links: https://rosyspell.wordpress.com/seeking-fate/ https://www.wattpa...
