بنت الجيران(مكتملة)

13

"الحب ف معناه اللي بجد، إن أنت تقابل حد تمام

روحه تمام

طبعه تمام

و تحس معاه إن الايام بدأت تضحكلك و تسلم

تتعلق بيه و تبدأ تديله لحظات و ملامحك تتكلم

تسهروا باليل، تضحكو على الناس، و تسفو على الدنيا بحالها

و تعيش تتعلم اطباعه و تعيش بطباعك يتعلم

تكسرك الناس هو يلمك و يقولك ماتخفش أنا واياك

و تسيبك ناس و تجيبك ناس و لو مهما هايحصل برده معاك

يقبل بعيوبك و بحروبك و إنك اوقات بتكون طايش

و تغيب لو سنة عنه يصونك و لحد ما ترجع يستناك.."(فارس قطريا)

بغرفتها، راقدة على فراشها، رافعة كفها المزين بدبلته أمام عينيها، و عقلها يفكر فيما حدث و يحدث. فجأة وجدت نفسها مخطوبة له! و ليس ذلك فحسب بل استمرت هذه الخطوبة لمدة اسبوع فقط و اليوم كتاب الكتاب! و ليس هذا الغريب فحسب، بل أنها لم تمانع و تتقبله بصدر رحب لا بل بسعادة داخلية و راحة لم تشعر بها منذ زمن...

انتشلها من شرودها دلوف سعاد و هي تقول:
_قومي يلا بقا ورانا حاجات كتير و انتِ مأنتخة كدا

_قالت بتزمر: يوه يا ماما من إمبارح  و انتِ مكهرباني و مسربعاني..

_يابت قومي! لسة عايزين نوضب البيت و نحضر الأكل و انتِ ياهانم لسة وراكِ موال...

نفخت بتول بضجر و قالت:
_يوه يا ماما أنا عروسة...

مصمصت سعاد شفتيها و قالت بغيظ:
_عجايب والله! دلوقتي انا عروسة يا ماما و إمبارح كنتِ...

قاطعتها و هي تنهض من فوق القراش :
_خلاص قايمة أهو...

لحظة و سمعا صوت الباب و قد كانت حنان التي دخلت و هي تزغرط بسعادة و طلبت هي من بتول ألا تفعل شيء و تظل بغرفتها. وبالفعل امتثلت لها بتول و جلست تفكر به هو...
*******************
أما عند المحل..
تقف ورد على بعد منه و هي تراقبه و هو يعمل بجد و على وجهها ترتسم ابتسامة محبة. أصدق بكلمته و اثبت جديته و حبه و أصبح شخص آخر يستحوذ على قلبها شئ ف شئ.
اقتربت اكثر حتى وقفت أمام المحل مباشرة و كان هو يوليها ظهره و يعطي لأحد العاملين الأوامر، و سريعا ما ألتفت بلهفة عندما نادته، اقترب حتى وقف قاب قوسين أو أدنى منها و قال بسعادة و لهفة و حب تقرهم عيناه الامعة قبل لسانه:
_المحل.. لا الدنيا كلها نورت بطلّتك يا ست البنات..

اتسعت ابتسامتها و نظرت ارضا و قد تخضبت وجنتيها بخجل لا يصيبها به إلا هو و قالت برقة تخصه بها:
_ازيك يا صابر؟

_والله لو على  دلوقتي ف من جوايا فرحان أوي و قلبي هاينط من مكانه... وحشاني والله و ماببطلش تفكير فيكي و عارف إني مقصر معاكي بس الشغل واخدني الأيام دي..