(رأيتها صدفة)
بارت8
عمار:لتسوي حادث يمعود وين سارح؟
جعفر:هالا وياك..شبيك؟
عمار:جعفر اريد اكلك موضوع عن فاطمة
جعفر/اااخ كلبي فاطمة اكيد يريد يتركهه لان جان وجهه ضايج اكيد متعاركين يي الحمدلله يارب تعاركو هي اجت للطريق ماجبته اني
جعفر:كول حبي
عنار:شعندك ويه فاطمة؟
جعفر/هاا هذا شمدري اني احبه خرب بس لا انتبه لتصرفاتي؟بس اني ماجيب اصلا طاري فاطمة كدامه فقط مجرد شلونهه واسكت بس خاف هي حاجيتله شي عني لا حته هي متدري اني احبه هذا شمدري اني اريده لا نفضحنه جعفر
جعفر:شنو شعندي شبيك عمار
عمار:شعندك تراسلهه؟هي تكول انت دتوصلله كلام عني يي شنو دتحجيلهه؟
جعفر:ها قصدك ع الماسنجر؟
عمار:يي لعد شكو؟
جعفر:لا سلامتك هي دخلتلي مرة خاص وكالت اريدك تنقلي كلشي يسوي عمار بدون ميدري وكل حركاته تحجيلياهن يعني جاسوس عليك هههه
عمار:يعني بس هاي
جعفر:يي بس هاي ماكو شي غيرهه واني ما انطي بيك لان انت صاحبي واخوي كتله ماعنده شي ولد حباب وهاهيه
عمار:عاشت ايدك حبيبي واني هم صدك ماعندي شي وانت تدري بكلشي
جعفر:طبعا ادري بيك ابن عائله ومحترم وتحب فاطمة
عمار/طمأنيت من كلام جعفر نفس كلام فاطمة يعني ماجذبت عليه ولا هو ديجذب عليه الحمدلله احلى شي بحياتي فاطمة حبيبتي واخوي جعفر الله يحفظكم الي يارب وميحرمني منكم ..الله اخذ امي مني بس الحمدلله ماخلاني مكسور...وصلنه للمقبرة نزلنه من السيارات اشترينه ماي ورد وبخور ووصلنه يم سرداب عائلتنه(سابقا ابو العائلة الچبير اشترة قطعه ارض فد ١٥-٢٠متر بالمقبرة حته يدفن بيه عائلته فجدي ابو أمي اشترة قطعه ارض ومات هو وماتت بيبيتي وهسه دفنه امي يمهم بس قبر بدون چثه)
عمار:يله خلي يدخلن البنات للقبر ونوب ابوي وعدي ونوب اني وجعفر
جعفر:لاحبيبي تدري بيه ماحب السراديب
راح افرفر بالگبور ومن تكملون خابروني
عمار:تمام حبيبي براحتك
عمار/جعفر ميحب السرداب فراح ياخذله جولة حول المقبرة..دخلت عبير وفرح للسرداب وبلشن دك ونوح وبچي وعتاب طلعن دخل ابوي وعدي كملو دخلت اني وحدي..اخذت ماي ورد وبخورة مسحت صورة امي بالماي وشغلت البخور وكعدت
عمار:يمه وين عفتيني وحدي؟يمه مكسور بدونج يمه اسف اني يلي گتلتج يمه اني وديتج للمول واني سبب وفاتج ورحيلج من عدنه يمه وينج عبير تريدج يمه عبير تريد داوم بالمدرسه وتريد ملابس منج يمه اني طلع قبولي تحليلات راح اكشخ واطلع احلى طالب بالكلية وداعتج..بس يمه انتي وينج؟وين رحتي؟
جعفر/تركت اهل عمار براحتهم يم امهم واني رحت افتر بين الكبور وافكر بفاطمة وشلون اخلية تترك عمار يارب اريد فاطمه ماريد غيرهه فلطمه صارت كلشي بالنسبة ألي خاصة بعد ماكامت تراسلني تعلقت بيه اكثر واكثر من قبل حسيت بيه من احجي وياهه اروح بعالم ثاني احس من احجي وياهه اعيش من جديد مستحيل اخلي عمار وفاطمه لبعضهم ماكدر اشوفهم يزوجون كدامي ويمشون سوة ويكعدون سوة ااخ ماكدر هي فاطمة مالتي بس اخذهه مني عمار وهسه اريد ارجعهه...دا افتر بالمقابر واحجي ويه روحي بصوت نااصي كلش وتعديت يم قبر..(مقابر العراق چذب مو مثل مقابر دول الخارج حلوات ومرمر وتراب حلو ونظافة جذب عمي احنه هو طابوك وتراب ورد ودرابين وصخه)لكيت قبر شوي مهدوم وبصفه بطل مشروب فارغ جعفر فرصتك هاي وهي هسه أجاك الحل يله أبدي بالخطه ياعزيزي جعفر لا هذا اخوك لتسوي هيج عيب عليك خلص اترك الموضوع وامشي..كملت مشيته بس ضل بالي يم البطل انفذ الخطه لو اتركه اشوف غيره بس هاي الخطه حلوة وسهلة كلش تمام خلي ابدي بيهه اذا صارت معناته سهله دا اسولف جان يدك جهازي
جعفر:هاحب
عمار:ها حبيب كملت؟احنه كملنه
جعفر:يي ماعندي شي اجيتكم
عمار/كملت عتاب ويه امي ولو هو ميخلص الكلام بس شنسوي الدمع والحجي والصياح ميرجع الراح...كلنه واتصلت ع جعفر واجه صعدنه بالسيارات اني ويه جعفر واهلي ويه عدي.. بالطريق اتصلت فاطمة
فاطمة:هلو حبيبي
عمار:هلو بيج حياتي
عمار/حجيت ويه فاطمة جانت تسئلني عني شلوني شلونهم اهلي كملت من عدهه..
جعفر/صعدنه بالسيارات وبالطريق اتصلت فاطمة اخ كلبي ويكلعلة حبيبتي. يحبهه ااخ ياكلبي ولج اني أحبج مو عمار كمل كلام ويه حبيبته..جعفر يلة هاي فرصتك يله يخوي سوي السالفه بسرعه
جعفر:عمار اكلك منجرب المشروب
عمار:هاي شبيك جعفر صدك تحجي؟
جعفر:يي والله اكو مشروب من شربه ينسيك كل جروحك بس ميسكرك
عمار:دروح يمعود اني متجري هيجي شي
جعفر:لك متحس بي مجرد مشروب مثل الببسي صدكني
عمار:ها صدك شمدريك
جعفر:اني جنت اشرب من عنده شوف
جعفر/من شفت البطل بالمقبرة بالرجعة شلته وطكيت أله صورة فتحت جهازي وطلعت الصورة لعمار
جعفر:هاك شوف محد يدري اني أشرب لان ميأثر عليه
عمار:هاا مادري افكر بالموضوع
جعفر:تمام براحتك اخذ وقتك
عمار/جعفر يريدني اشرب بس اني مامجرب هل شي ولا اصلا اعرف شنو نوعه وماعرف شنو يسوي واني احتاج هل شي حتة انسى امي وأهم شي يكول ميبين من تشربه..وصلت لبيتنه واني طول الطريق افكر بالكلام
الكاتب:بعد مرور اسبوعين
يتبع بارت9
