(رأيتها صدفة)
بارت6
عمار/جانت المروحة تشتغل وأجه بالي من جنت كاعد قبل اسبوع كدام البناية واتصلت فاطمة كالت جعفر يتصل عليك!عمار اكو شي بين جعفر وفاطمة؟جعفر يحب فاطمة؟لو فاطمة تحب جعفر؟بعدين ذكرت..فاطمة كالتلي اني اتصلت من عدهه!اني مستحيل اتصل من عدهه شبيه تخبلت حته اخلي رقمهه عند صديقي؟وثاني شي اني عيد ميلادي بشهر10والدورات جانت ب5وهي اصلا ماجابتلي هدية طول فترة الدورات!صارت علامات استفهام هواي براسي وشتغل الشك بكلبي وبعقلي!عمار اكو شي؟شديصير وانت متدري؟اكعد شوف روحك وين ومنو ويه منو انت؟عمار ديخونوك وديلعبون بذيلهم من وراك عمار أصحى لزمانك اكيد ديسولفون مع بعضهم وانت متدري..كعدت من صفنتي شدا احجي؟
عمار:هاي شبيك مطي انت لك فاطمة متخونك لان تحبك جعفر ميخونك لان يدري بيك تثق بي وانطيته كل اسرارك كافي شهل حجي السخيف نام واسكت ماكو شي..عمار لعد ليش هي جذبت عليه؟اني لاعيد ميلادي ولااكو هدية ولااني متصل من عدهه!عمار اكو شي ولازم تعرفه بأسرع وقت..اني تعبت من التفكير واريد أنام باجر من اكعد كلشي بالي اسئله لفاطمة واذا هم جذبت معناته اكو شي بيناتهم واني مادري بي بس شلون اكو شي وهو جعفر خلاني اعترف لفاطمه عن حبي الهه كافي عمار مو من طبعك تفكر بأشياء سخيفه نام وباجر الله يحله لتخاف
عمار/باوعت للجهاز ب3صارت وحطيت الجهاز ع الميز نمت دك الجهاز ماشوف منو نعسان فتحت خط
عمار:ألو
جعفر:اكعد ولك طلعت القبولات
عمار:لابشرفك
جعفر:يي وداعتك وانقبلنه تحليلات الجامعة العراقية
عمار:صدك والله أاخ كلبي مامصدك راح ندخل كلية خلي اكوم اصحصح وابشر الاهل
عمار/وأخيرا طلعت القبولات طفرت من الفراش باوعت للساعة ب10الصبح طلعت من الغرفة
عمار:يمة ياابة ولكم وينكم
عمار/طلعت عبير من غرفتهه
عبير:ماما ماتت
عمار:هاااا ييي
عمار/دنكت راسي ااخ كلبي اسف عبير نسيت امي ماتت بس من فرحتي ردت افرحهه بالنتائج اووف منك عمار اقتنع امي ماتت كافي تضل كل يومية فاتح نفس الجرح ع اختك عمار افتهم امك ماتت
عبير:شبيك اشو تغير لونك
عمار:هاا لا مو شي مهم
عبير:لا جنت فرحان احجي
عمار/بصوت حزين ومارفعت راسي
عمار:لا بس طلعت قبولات الجامعة انقبلت تحليلات وردت افرح امي
عمار/عبير جانت زعلانه ع وفاة امي بس من كتلة طلعت القبولات ابتسمت وحضنتني
عبير:الف مبروك حبيبي تستاهل كل الخير
عمار/حضنته وصل راسه لكلبي وحسيت بيهه مخنوكه وتريد بس تبجي اني احس بيه من تضوج لو تزعل من شي تجي يمي تركض وتحضني حته تبجي براحتهه..همست بأذنهه
عمار:تردين تبچين؟
عمار/هي بسرعه بجت
عبير:عمار اريد ماما اشتاقيت لأمي شلون تروح وتعوفنه هيج مو حرام عليهه تتركنه لوحدنه؟
عمار:يي ادري ادري وهي هسه دتشوفنه تره ماعافتنه
عبير:يله لعد وينهه اذا دتشوفنه اريد احجي وياهه اريد اكولله مشتاقتلهه كلش هواي عمار اريد احضن أمي مثل مادا احضنك هسه اريد اكعد وياهه واضحك اريد اكوله راح يبدي الدوام واريد ملابس مدرسه واكولهه درسني من ارجع
عمار:بعد هذا قضاء ربنه حبيبتي وهي ان شاء الله بالجنه هناك ومرتاحه احسن من عدنه و..
عمار/طلعت فرح من المطبخ
عمار:وهاي فرح هنا هي راح تصير امج وكلشي تردين تكولين لأمي كوليلهه واكعدي سولفي واضحكي وياهه مثل متردين واكيد هي هم حتضحك وأسولف وياج موو فرح؟
فرح:يي اكيد واني وعبورتي احلى اخوات واحلى ام وبنتهه
عمار/أشرت لفرح بعيوني
عمار:احجي وياهه
فرح:تعالي عبير خلي نسوي ريوك حته العصر نطلع للسوك نشتري ملابس ماعندي اسود ترحين وياي؟
عمار/عبير بتعدت عني ومسحت عيونهه ااخ سودة علية يابعد اخوك عيونج منفوخات من البچي ااخ منك عمار لك انت من أي طينه الله خلقك لك انت كتلت امك افتهم
عبير:تمام وعادي اصيحلج ماما؟
عمار/عبير صغيرة وتحب فرح كلش وحسيته ارتاحت من بجت بحضني وفرح انسانه كلش طيبة وحبابة وتحبنه كل احنه وخاصه عبير لان جان صغيرة عمرها9سنوات وزوج عدي واجت فرح للبيت هي تعودت ع فرح الحمدلله والشكر الله ماخلة عبير تضل وحيدة الله انطاه ع طيبة كلبهه ام واخت وصديقه ومرت أخ بنفس الوقت الحمدلله ربي ع كلشي
فرح:يي ياروحي انتي اكيد افرح من صيحيلي ماما يابعد روح امج اني اروح فدوة لهل لسان العسل تعالي خلي نسوي أحلى ريوك
عبير:تمام يله
عمار/عبير وفرح دخلو للمطبخ واني صفنت بالكاع عمار لتفرح هواي روح شوف حبيبتك شتسوي ويه صديقك امشي تحرك لضل واكف..مشيت رجعت دخلت للغرفة لكيت فاطمة دازتلي
فاطمة:عمار طلعت القبولات اني طلع طب اسنان جامعة بغداد وانت؟
عمار/كلش فرحت من كالت هي طب اسنان لان جانت تقرا وتعبت هواي بالدراسة والله ماضيع تعبهه وحقق احلامنه كلنه الحمدلله والشكر..دزيتله رساله
عمار:الف مبروك حياتي تستاهلين ان شاء الله طلعين من الأوائل واني طلعت تحليلات الجامعة العراقية
فاطمه:الله يبارك بيك..ييي الحمدلله
عمار/حاير مادري شنو أكول وخايف خاف تزعل من سوألي بس خلص لازم اريح عقلي من التفكير تعبت..
عمار:ممكن سوال!!..
يتبع..بارت7
