رأيتها صدفة
بارت،14
جعفر:اخذته من عدي..صدك اخذت فاطمة؟الف مبروك
عمار:شكرا يله الله وياك باي
جعفر:بس بعدني مريض اني
عمار:طبك مرض وشتريد يعني؟اني جنت غصب عني اجيك ابوي هو جان يجبرني اشوفك وهسه ماريد حته اذكر اسمك احس اختنك منك يله روح عزيزي
جعفر:الله يتمم ع خير هاي اذا صارت
عمار:تصير انت بس اطلع من حياتي يصير كلشي خير
جعفر:ان شاء الله
عمار/ااخ منك عدي اني غيرت رقمي علمود ما انطي لهذا النذل ليش تنطي الرقم ولو عدي اصلا ميدري بالسالقة يخرب عمرك والله عكرت مزاجي بصوتك القبيح..رجعت راسلت فاطمة
عمار:هاجيت
فاطمة:هلا بيك ها منو أتصل؟
عمار:واحد سخيف
فاطمة:واحد لو وحدة؟
عمار:لاولج هههه والله واحد...جعفر
فاطمة:يبو علية خلي يولي شيريد؟
عمار:ماخذ رقمي من عدي وخابرني يباركلي لخوطبتي منج يابعد حيلي
فاطمة:عزاا بعينه والله عنده جرئة
عمار:يي خلي يولي لتهتمين
عمار/استمرينه بالكلام وشوي وراحت فاطمة أجوهم خطار بيت خوالهه يتناقشون عن الخطوبة واني طلعت للصالة كعدت ويه اهلي واجوا عمامي حته يتعرفون ع اهلهه ويسئلوني واني نفس الكلام عود متعرف علييه عن طريق الدورات وهاهيه لان اخاف واحد من عمامي يجفص بالكلام ويحجي علاقتي بيه من نروح مشية واهلهه يتعاركون وياهه والحمدلله الله تممة ع خير وصرت رجال وخطبتهه يارب لحد يدخل بيناتنه ويخرب كلشي جنه نحلم بي ونبني اني وياهه مدتت ع الجرباية ونمت كعدت ثاني يوم بدلت ورحت للكلية محاضرات وكذا واخوكم النازك والانيق يتفيك ورافع خشمة ع البنات ماحب احجي وياهن وتعرفت ع شباب مثل طبعي ميحبون البنات الحمد لله خوش مجموعه عندي كلة متحب البنات ورتاحيت وياهم كلش هواي وندخل محاضرات كل يومية بالحضور يصيحون جعفر قاسم عبداللة اني الخبيث من يمي احجي بصوت خفيف
عمار:احذف اسمه ميجي المطي
عمار/المهم جنت ضايج كلش ومتكأب من اتصال جعفر لان اختنك من صوته كملت المحاضرة ب11ونص ركبت السيارة ورجعت للبيت لكيت عبير تنظف الصالة وفرح تسوي غده وأبوي يلعب وية مؤمل وعدي كاعد بالصالة للعلم عبير صف ثاني متوسط ضجت كلش بزايد وعصبت
عمار:ولج اشو انتي لسا مارحتي؟
عبير:مابية حيل اليوم وماعدنه شي
عمار:ضلي يغبرة كل يومية ماعدنه شي ولترحين لو امي هنا جان جبرتج ترحين
عمار/هاي شنو اني شنو كلت ااخ ياعمار انت شكلت هسه ااخ منك ولاتفكر من تحجي شفت عبير دنكت وضاجت كلش لان ذكرت امي صحيح هي جانت امي متقبل احد يغيب عن المدرسة لان تريدنه نضل ع تواصل بالدراسة والمحاضرات وهاي كل اسبوع تاخذله يوم تغيب بي وهذا ميصير لان راح يروحن عليهه المحاضرات واني من العصبية والضوجه جفصت بالكلام..وعبير حسيته احتاجت تبجي بس متريد كدامهم كمت من القنفة ورحت باتجاة غرفتي
عمار:تعالي للغرفة
عمار/دخلت لغرفتي ودخلت عبير وراي سدت الباب اني ضليت واكف وهي اجت خطية تركض وحضنتني حييل وبجت حسيت بدكات كلبه ليش ياعمار اختك هيج تكسرهه مو حرام عليك يتيمة هاي ليش كل يومية ذكرهه بأمهه وكل يومية تخلية تبجي من وراك ومن ورة عصبيتك سحبتهه عني شوي وهي كد مامخنوكة وتبجي كامت تشهك
عمار:حبيبتي خيتي اني لمصلحتج دا احجي وانتي لازم تضلين كل يومية داومين وميصير تركين الدوام ولايوم لان اذا اليوم مارحتي مراح تقرين هذا الموضوع الي شرحته المدرسة للطالبات لان هي حتستمر بالشرح متتوقف اليوم وراح يروح عليج هذا الموضوع حبيبتي لازم ترحين
عبير:مالي خلك والله..عمار مشتاقه لماما
عمار:زين عندي فكرة روحي للدوام والعصر من تجين نروح للمقبرة نشوف امي شتكولين؟
عبير:والله تمام يله لعد هسه نروح ليش العصر
عمار:لاحبابة موهسه لان نعسان كلش العصر نروح من تجين يله بسرعه روحي بدلي ليجي ابو الخط
عبير:هلا يله لعد رايحه بسرعه
عمار/عبير كلش فرحت من كتلهه نروح نشوف أمي وكامت تضحك من الفرحه الحمدلله والشكر ماخليت اختي ضوج اكثر راحت تركض لغرفتهه بدلت بعدهي ماكملت وأجه ابو الخط
عمار:يله كملتي
عبير:ياا بعدني
عمار/طلعت للسايق
عمار:السلام عليكم حبيب روح اني اوصلهه وبالرجعه ترجع وياكم
ابو الخط:صار حبيبي بخدمتك
عمار/دخلت للبيت وب12ونص كملت عبير اخذته وصلتهه للمدرسة ورجعت بدلت وفرح صبت الغده كاعدين ع الاكل
عمار:اليوم العصر حنروح للمقبرة ترحون؟
الجميع:يي نروح
عمار:تمام اني كلت لعبير العصر من تجي نروح تمام؟
الجميع:تمام
عمار/كملنه أكل دخلت لغرفتي مددت أراسل فاطمة؟لالا كالت لتحجي وياي منا لمن نعقد اوف اشتاقيتلهه جنت كل يومية اول ما ادخل لغرفتي اروح للماسنجر احجي وياهه اووف كلش مشتاقلج فطومتي وية ما دا افكر جان هي دزلي رسالة
جعفر/لك ترفضة بوجهي عمار افندي بسيطة والله اذا الله كاتبلي عمر طويل لكرهك عيشتك واخليك تمشي وتحجي ويه روحك اني اعلمك لك تاخذ فاطمة مني والله ماخليك مرتاح صبح وليل تبجي ع حالك واخليك تتندم لان ماسامحتني نايم بالفراش ودا افكر شلون اخذ رقم عبير ومنين احصلة!رجعت للماسنجر فطوشة هي هم حاظرتني اكيد هذا عمار كاللة تحظرني
يتبع بارت15
