Dessert Chef
“အခုချိန်မှာတော့ Chef Masterရဲ့နောက်ဆုံးပြိုင်ပွဲဝင်နှစ်ယောက်ပဲရှိပါတော့တယ်။” လှလှပပဝတ်စားပြင်ဆင်ထားတဲ့အစီအစဥ်တင်ဆက်သူကစိတ်လှုပ်ရှားမှုအပြည့်နဲ့ပြောလိုက်သည်။ “ဒီအချိန်က ကျွန်မတို့စောင့်နေခဲ့တဲ့အချိန်ပါပဲ။ခဏနေရင် ကျွန်မတို့တွေအချိုပွဲပြိုင်ပွဲကိုစပါတော့မယ်။ ဒီပြိုင်ပွဲကတော့ ငယ်ငယ်ရွယ်ရွယ်နဲ့ အရည်အချင်းရှိတဲ့ Chef Euaနဲ့ အရသာရောအပြင်အဆင်မှာပါကျွမ်းကျင်တဲ့အပြင် မြင်သူတကာမျက်စိကျိန်းရလောက်အောင်လှတဲ့ Chef Eveတို့ထဲမှာ ဘယ်သူကအနိုင်ရမလဲဆိုတာကိုဆုံးဖြတ်ပေးတဲ့ပွဲပါပဲ။ ဒီနှစ်ယောက်ထဲမှာဘယ်သူကများထိုင်းနိုင်ငံရဲ့ Chef Masterဆုကိုပထမဆုံးရတဲ့လူဖြစ်လာမှာလဲ။ အနိုင်ရရှိသူကတော့ကိုယ်ပိုင်ဟင်းချက်နည်းစာအုပ်ကိုပါထုတ်ဝေခွင့်ရဦးမှာနော်။ “
ဖြူစင်ရှင်းသန့်နေတဲ့အဖြူရောင်ဝတ်စုံကိုဝတ်ဆင်ထားတဲ့Euaဟာ စိတ်လှုပ်ရှားမှုကိုဖြေဖျောက်ဖို့အတွက် မတ်တပ်ရပ်နေရင်းနဲ့ပဲခြေထောက်ကိုဟိုလွှဲဒီလွှဲလုပ်နေမိသည်။ Eveကတော့လက်နှစ်ဖက်ကိုကျောနောက်မှာထားရင်းတည်တည်ငြိမ်ငြိမ်ရပ်နေသည်။ နှစ်ယောက်လုံးက လှပစွာပြင်ဆင်ထားတဲ့လျှောက်လမ်းပေါ်မှာရှိနေပြီး ဘေးနှစ်ဖက်မှာတော့ ပြိုင်ပွဲကနေပြုတ်သွားတဲ့ပြိုင်ပွဲဝင်တွေရဲ့အသံရယ် Eveနဲ့ Euaတို့မိသားစုတွေရဲ့အားပေးသံတွေနဲ့ပွက်လောရိုက်နေခဲ့သည်။
“ပြိုင်ပွဲမစခင် Chef Euaကိုပြောစရာရှိသေးလား Chef Eve ”
ကောင်မလေးကစိန်ခေါ်တဲ့မျက်နှာထားနဲ့ Euaကိုလှည့်ကြည့်လိုက်သည်။ “မလွဲစေနဲ့။”
စားဖိုမှူးအငယ်လေးကသူ့ပြိုင်ဘက်ကိုမျက်ခုံးတစ်ဖက်ပင့်ပြလိုက်တဲ့အခါ အခန်းထဲမှာရှိနေတဲ့ပွဲကြည့်ပရိသတ်ဆီကနေအော်သံတွေထွက်လာခဲ့သည်။
“ဒါဆို Chef EuaကရောChef Eveကိုပြောချင်တာများရှိသေးလား “
သူက Eveကိုတစ်ချက်ကလေးတောင်မကြည့်ဘဲ ကင်မရာကိုအသည်းပုံအသေးလေးနှစ်ခုလုပ်ပြလိုက်သည်။“ကျွန်တော်ကတော့ ကျွန်တော့်နှလုံးသားနဲ့ဟင်းချက်ပြပြီး ချန်ပီယံဘွဲ့ကိုအကုန်လုံးအတွက်ယူလာခဲ့မှာပါ။“
YOU ARE READING
Grab a bite (Myanmar Translation)
RomanceTitle:Grab a bite Author:Sammon Translator:Yurio Kuco English translator:romcom4ever Length:37 chapters Main pair: Ek♥Eua Hello everyone. This is Yurio. This is one of my favorite novels and I really wanted to translate this so I asked permission fr...
