I am Flirting, is it clear enough?
ပျော်ရွှင်မှုအပြည့်နဲ့ Euaက Aekကိုဦးဆောင်ပြီးကားပါကင်ဆီလျှောက်လာခဲ့သည်။ ဒီနေ့ Nong Aekက ကင်မရာအတွက်အဆင်သင့်ဖြစ်အောင် ဆံပင်စတိုင်နဲ့အင်္ကျီအဝတ်အစားကိုသေချာရွေးလာတာဆိုတော့ အလွန်အမင်းတွေကြည့်ကောင်းနေပြီး ဒိတ်လုပ်ဖို့အတွကိအကောင်းဆုံးပုံရိပ်ပဲ။စဥ်းစားကြည့်မှပဲ Eua Aekကိုထမင်းလိုက်ကျွေးပါ့မယ်ဆိုပြီးတစ်ခါမှမဖိတ်ဖူးသလိုပဲ။Aekကပဲစာသင်ဖို့အတွက်သူ့ဆီလာနေရတဲ့လူဖြစ်နေလို့နေမှာပေါ့။ပထမဆုံးအကြိမ်ဖွင့်ပြောတာမှာ ကျရှုံးတာကလည်း အံ့ဩစရာမရှိပါဘူးလေ။ Euaတစ်ယောက် ကောင်းကောင်းမဖော်ပြခဲ့တာက အကြောက်တရားကနံရံတစ်ခုအနေနဲ့ရှိနေတဲ့အပြင် Aekအနေနဲ့ကလည်း Euaရဲ့တပည့်ပဲလုပ်ရမလား တပည့်ထက်ပိုတဲ့လူတစ်ယောက်အနေနဲ့နေရမလားဆိုတာမျိုးရှုပ်ထွေးနေမှာကလည်းရှိသေးတယ်။
ဒီတစ်ခေါက်မှာတော့ Euaဒါမျိုးကိုအမေ့ခံလို့မဖြစ်ဘူး။အဲ့ဒီနေ့ကအဖြစ်အပျက်တွေပြီးတာတောင် Aekကသူ့ကိုအဆိုးမမြင်သေးတာ ဘယ်လောက်တောင်ကံကောင်းလိုက်လဲ။ဒီတစ်ခေါကိမှာတော့ သူ့အမူအရာတွေကထင်ရှားပြတ်သားနေမှရမယ်။သူAekကိုဘယ်လောက်တောင်သဘောကျပြီး တခြားနည်းနဲ့လည်းသူ့ကိုအမြဲဂရုစိုက်ပေးဖို့အဆင်သင့်ဖြစ်နေတဲ့အကြောင်းကိုသက်သေပြရမယ်လေ။
"မင်းတို့တွေငါ့ကိုစောင့်မနေကြတော့နဲ့ အိမ်ကိုအရင်ပြန်လိုက်ကြတော့" AekကEuaနောက်ကနေလမ်းလျှောက်လိုက်လာရင်း သူ့သူငယ်ချင်းကိုဖုန်းဆက်ပြီးပြောလိုက်သည်။ "ငါက...ငါ့ကိုဟင်းချက်သင်ပေးတဲ့ဆရာနဲ့သွားစားမလို့လေ။ညနေကျမှတွေ့ကြတာပေါ့။အင်း ငါဖုန်းဆကိလိုက်မယ်။ဒါပဲနော်။ "
"ဟင်းချက်သင်ပေးတဲ့ဆရာ?" Euaကမေးလိုက်တဲ့အခါ Aekကပြုံးလိုက်သည်။
"ကျွန်တော်ကတပည့်ဆိုတော့ ဆရာလို့ပဲခေါ်လိုက်တယ်လေ။အဲ့ဒီလိုခေါ်တာကမှန်တယ်မလား။"
"ဆရာကဆရာလေ။ အစ်ကိုကအစ်ကိုပေါ့ "
AekကEuaကိုမျက်လုံးမှေးကြည့်လိုက်သည်။ "ကျွန်တော့်ကိုဟင်းချက်သင်ပေးတဲ့ဆရာလေ။"
YOU ARE READING
Grab a bite (Myanmar Translation)
RomanceTitle:Grab a bite Author:Sammon Translator:Yurio Kuco English translator:romcom4ever Length:37 chapters Main pair: Ek♥Eua Hello everyone. This is Yurio. This is one of my favorite novels and I really wanted to translate this so I asked permission fr...
