Grab a bite (Myanmar Translation)

Chapter-12 (Unicode)

The Prestigious Apron

အရင်တစ်ခေါက်သူကြည့်ခဲ့တဲ့Videoထဲကလိုပဲ တဖျတ်ဖျတ်လက်ပြီးတောက်ပနေတဲ့စတူဒီယိုကို Aekမော့ကြည့်လိုက်မိသည်။ဒီတစ်ခေါက်မှာတော့ ဟင်းချက်တဲ့စားပွဲကိုနှစ်ဖက်လုံးမှာပြင်ဆင်ပေးထားလေရဲ့။Aekကညာဘက်မှာရှိတဲ့စားပွဲကိုရလိုက်ပြီး Phopကတော့ ဘယ်ဘက်ခြမ်းမှာရှိတဲ့စားပွဲကိုရထားသည်။စတိတ်စင်ရဲ့အရှေ့မှာတော့ ကော်မတီဝင်သုံးယောက်ရှိနေခဲ့​ပြီး ဒီသုံးယောက်က Aekသူ့အိပ်မက်ဆီအရောက်သွားနိုင်ဖို့အတွက်အရည်အချင်းပြည့်မီရဲ့လားဆိုတာကိုအဆုံးအဖြတ်ပေးကြမှာဖြစ်သည်။ဒီလိုမျိုးလူကိုယ်တိုင်မြင်လိုက်ရတဲ့အခါ Aekအသက်ရှုဖို့တောင်မေ့သွားရသည်။

“ဒုတိယအကြိမ် Chef Masterရဲ့ပထမဆုံးလူရွေးပွဲကနေကြိုဆိုပါတယ် ”နိုင်ငံတဝှမ်းစားဖိုမှူးလို့လူသိများတဲ့လူကပြောလာခဲ့သည်။ သူ့ကိုမသိတဲ့လူရယ်လို့မရှိဘူးလေ။“ဒီဂုဏ်သိက္ခာအပြည့်နဲ့ရှေ့ခါးစည်းကိုရဖို့အတွက် မင်းရဲ့အထူးဟင်းလျာနဲ့ပြိုင်ရမယ်။အချိန်လေးဆယ့်ငါးမိနစ်ပေးထားမယ်။ ”

“ ရှေ့ခါးစည်းကိုရဖို့အတွက်ဆို ဒိုင်လူကြီးသုံးယောက်ထဲကနှစိယောက်ကအအောင်ပေးမှဖြစ်မယ်” အမျိုးသမီးဒိုင်ကပြောလာသည်။သူက ထိုင်းဟင်းတွေမှာဆရာကျတာကြောင့် Aekအကြောက်ရဆုံးဒိုင်ပဲ။ “ဒါပေမဲ့ ပိုထူးခြားတာက ဒိုင်တစ်ယောက်ချင်းစီမှာ ပြုတ်သွားတဲ့လူတွေအတွက် ရှေ့ခါးစည်းအပိုတစ်ခုစီရှိပေမဲ့  အဲ့ဒီပြိုင်ပွဲဝင်ကရှေ့ဆက်သွားဖို့အတွက်စိတ်အားထက်သန်ပြီး အရည်အချင်းလည်းရှိတယ်ဆိုတာကိုမြင်ရမှ​ဖြစ်မယ် “

Aekကဒီစည်းမျဥ်းတွေကိုကြိုသိထားပြီးသားပဲ။ ဒိုင်တွေကပွဲကြည့်ပရိသတ်တွေနားလည်ဖို့အတွက်ထပ်ရှင်းပြတာလေ။Aekစိတ်လှုပ်ရှားမှုအပြည့်နဲ့ ပတ်ဝန်းကျင်ကိုကြည့်လိုက်တဲ့အခါ ဘေးပတ်ပတ်လည်မှာရှိတဲ့ကင်မရာတွေနဲ့ လူအုပ်စုကိုတွေ့လိုက်ရသည်။Aekအောက်ကိုငုံ့ကြည့်လိုက်တဲ့အခါ အထူးဟင်းလျာအတွက်လိုအပ်တဲ့ပစ္စည်းတွေကိုတွေ့လိုက်ရသည်။ Aekစိတ်ကိုငြိမ်အောင်ထားပြီး အဆင့်တွေကိုပြန်တွေးကြည့်လိုက်သည်။