على قلبي أمان

الحلقه الرابعه ج٢

على قلبي أمان

رغد جعفر Raghad Jafar

الحلقه الرابعه ج٢

تقول ..
حاصرني بكل كلماتك الغزلية
فأنا اجد في حروفك متسع من الاحضان
استلقي به من وطأة العالم ...!

من كالت اتصلت بمصطفى حسيت نشاليت ونركعت لغيره صعبه فعلا تخنك لواحد كمل جود كلامه ويه امه وحضني بس اني روحي تغلي نمت ويا غلبني لنعاس مكدرت اكوم لفراشي واني غاطه بنومي حسيت نفسي نرفعت من مكاني

بين اليقضه والنوم عطره مله ريتي علكت ايدي على ركبته بعدها حسيت نفسي على لجربايه جسمه حاوطني بديت اصحصح شويه شويه

حسيته يهمس بأذني نايمه بالكاع وانتي مكانج بنص كلبي وروحي بسرعه ضميت نفسي داخل صدره لعاري بجيت دموعي بللت بشرته ..

مصطفى....تبجين رونق روحي ملاكي هيج دموعج ينزلن وانتي بحضني وهم احسب نفسي رجال لااوالله اشد كرون احسن كولي يروحي شبيج احجيلي شنو لشي لمضوجج يكلب مصطفى ...

كمت من حضنه مسحت دموعي همست ماكو شي لتهتم كام من مكانه احتضني من ضهري نسندت علي همس ..

مصطفى...مثل مااني بضهرج هسه احجي ولاتخافين ولاتترددين شنو لشي لمضوجج ومخلي دموعج ينزلن صدكيني تعاركت علمودج وعفت لدوام ونزلت بس لان سمعتج مختنكه وتبجين ..

درت علي وخليت خدي على صدره كتله بس اشتاقيتلك جرني اله وتملكني كلي ..

مصطفى....اسف اذا عليت صوتي عليج اني اغلط بحقج وارجع اعتذر ولسبب نفسه عصبيتي شنو رأيج نسوي اتفاق بيناتنه اذا عصبت لاتزعلين مني اعتبريتي مخبل وضل يخربط...

بسرعه خليت شفتي على خده وطبعت بوسه حتى ميكمل كلامه وصلت شفتي الاذنه وهمست حبيبي حشاك انت تاج على روس الزلم صح تتعصب بس كل رجال يملك عصبيه ولازم المرأه تتحمل

اذا لرجال عصبي والمرأه متتحمل عصبيته جان مضل ولا ثنين متزوجين حبيبي انت اني ماازعل منك بس انت اطوخها هواي وياي يعني لازم تحاول تمسك اعصابك بيتك عندك زوجه واطفال

لازم تخلي عصبيتك بحدود شغلك وبس من تطلع من دوامك وترجع لبيتك مجرد متنزع بدلتك خلاص لازم تتذكر انت بيتك وعندك مسؤليه ولبيت بس قوانين

زوجتك اطفالك بيتك همه راحتك صدكني تتعب اذا متفرزن بين دوامك وبين مكان راحتك ماريد الاطفال ياخذون منك موقف لازم من يشوفوك يستمدون منك القوه مويتهربون منك حتى متعيط بوجهم

شفت لبنا مجرد عطت او نكدر نكول فقط علت نبره صوتك ضلت تبجي جود صارله يومين خايف ويكول بابا ليش عيط عليج وضليتي تبجين همه منتضرين امهم حتى يرحون ويحسون نفسهم هي تنقذهم منك

بس جاد شلون لو كبر ماريد ينفر منك اريده يشوف بيك الامان اريده يتعلم منك اطباعك وروحك الحلوه الي ماشفتها بس اني وليحبونك انت مخرب نفسك بنفسك