على قلبي أمان
.......البارت الثالث.......
@Raghad Jafar
مصطفى......رحت نص الطريق خابرتني تقى تريد شغله من امي
وماكدر ارجع بليل نوب اروح لتقى كلت مدامني قريب ارجع رجعت
ملكيت احد جوه صعدت وسمعت كل كلمه وكل حرف كالته هلطفله كله
سجاجين بكلبي ضليت استمع لحد ما شفتهه شلون منهاره بحضن
امي عفتهم وطلعت حتى الشغله لوصتني عليهه تقى عفتهه وطلعت
والله ياعمر لوعايش والله اندمك على الساعه الفكرت تمد ايدك على
طفله لك هاي عرضك عشتو لك بنت عمك ومثل اختك اااخ ااخ وين
وصل بينه الزمن لكيت نفسي واصل دوامي ومادري بنفسي جرت نفس
استرخيت بعدين دخلت سلمت الجهاز للامانه لان ميخلون حهاز حديث
ادخله بس صرصور علمود شغلنه وهيج شي دخلت ساعتين بلدوام
اشتغل بلا تركيز لحد مصارت ساعه ٣الضهر بدو يطلعون حتى
مااشتهي اكل شي من الريوك اخذت جهازي وطلعت لكيت تقى داكه
خابرتهه
تقى.....الو حبيبي هاي وينك
مصطفى.....هلا تقى موجود بس بلدوام وهسه طالع
تقى.....ماتجينه
مصطفى.....والله حبيبي ليوم تعبان كلش وماعرف
تقى.....هيج تزعلني يعني مشتاقتلك حبيبي
مصطفى....اي تعالي ياعيني والله وضعي متخربط من جبتي لهسه
تقى....حبيبي موكتلك من تطلع الاربعين
اني لهسه بعدني الخياط مفاتحته
مصطفى....شطلعت هاي ياتقى بيتج ارجعيله موحتى مجاي ارتاح
بعدين انتي موكلتي افتح الخياط وارجع شنو هاي جديده للاربعين لو
كل واحده تجيب وتروح يم اهلهه اربعين يوم جان كل الزلم متزوجه
مرتين وثلاثه
تقى.....على كيفك شبيك نهديت عليه ترى ابنك مداكدرله وحدي ليل
ونهار يبجي وامي تسهر واني ارتاح شويه
مصطفى.....اي هنا الحجي كولي اريد مربيه وخلصيني ليش تماطلين بلكلام
تقى....علمودك حبيبي غير اتفرغ الك
مصطفى......كولي تتفرغين النفسج ولدوامج والسفرج يوميه دوله ترى
صار عندج طفل لازم شويه تبقين بيتج تشوفين مسؤلياتج
