#على قلبي امان
.........البارت السادس......
Raghad Jafar
رونق...... اخذته منه باوعت للساعه ب٣ونص
كمت الاعب بي مللته ردته ينام ماكو طلعته بلصاله لاعبته نوب جبت فراشه خليته جوه لقنفات اكو مساحه واسعه جبتله العاب تمددت بصفه واخذت كوشه من لقنفات تمددت عليه باوعت لساعه ب٥ماحسيت اله واحد يكعد بيه
مصطفى......طول ليل مكدرت انامه راسي يريد ينفجر افكر بيهه اكيد هسه متأذيه علمود الولد لان موعدهه مرات احن اكول راح اخذه واودي الهه ومن اشوفه شلون ساكت طول ليل وبيد رونق اكول لا خليهه تتأدب علمود بعد تقدر لنعمه لجانت عدهه ليش هيج ياتقى ليش اااخ صارت ب٥نمت حتى ماحسيت بصوت الولد بجه سكت فزيت على صوت الجهاز باوعت هاي تقى ساعه ب٧شعدهه داكه هسه غلقته ورجعت نمت لل١١كعدت جانت خميس ممداوم كمت رحت للغرفه اباوع ماكو هاي وين راحو اجيت للصاله ولكيتهم شلون نايمين جوه لقنفات على لكاع اول مره اشوف برائه ممزوجه بطفل وطفله شالهه بيد ابني وهيه حاضنتهه ونايمه كلش قريب على نبضات كلبهه صاير خفت لتنام علي ومتدري كعدتهه فزت مرعوبه كم مره منتبه واحس بيهه متريد واحد يلزمهه احسهه تخاف وخرت ايدي وكتفيت بلكلام
كومي بابا ليش هيج نايمين
رونق.....من فزيت اباوع عمو على راسي بس والله نعسانه اغمض عيوني وافتحهه كوه
كمت باوعت على لولد نايم ابتسمت دنكت علي بسته على كيف علمود ميكعد
مصطفى......ماكو صباح الخير لعمو لو بعد صرتي بس لجود
رونق.....هه صباح الخير عمو
ليش اكو احله من هيج ملاك واحد يصبح بوجهه
مصطفى....تقصدين على نفسج على جود
رونق.....ههه لا على جود اكيد
مصطفى.....خوما ضوجج بابا
رونق......لا فدوه لكلبه صح سهرني بس يلعب متوقعته هيج هادئ
مصطفى......لعد شبي حضي من جان عندي بس يصرخ للصبح
رونق....ماعرف بعد
اسويلك ريوك عمو
مصطفى.....اي بابا رايح اجيب صمون بس طكيلنه بيضات واكو يمج اجبان طلعي لتشتهينه
رونق.....عفته نايم وعمو راح كمت غسلت ورحت للمطبخ خدرت جاي واكو ميز طعام صغير على كد اربع كراسي بلمطبخ خليت علي الاكل بقه بس لبيض من يجي سويت جبن مالح قطعته وخياره وطماطه ويا هيج شفت بيبي تسوي لعمو من يتريك يمنه وزيتون لكيت بلثلاجه عمو من نوع اكال يعني شنو كدامه ياكل فسويت بس اله اني اعرف نفسي كولشي مااكل بس هم ماريده يعيط عليه مثل ذاك ليوم على اقل جانت بيبي يمي هسه وحدي اجه عمو اول مسمعت باب الشقه خليت التاوه على النار وطكيت ٣بيض عيون
مصطفى......كوه الله حيلج باباتي
هاي شنو ناقصنه بس الحجيه
