على قلبي أمان
رغد جعفر Raghad Jafar
الحلقه العاشره ج٢
سيبقى في دمي شيءٌ يراقبكِ
سيبقى في دمي شيءٌ يراقُ بكِ.
منى...دخلت لغرفتي تعجبت بابا وماما ماكو بعدين تذكرت كالت ماما نروح لبيت خالتج بليل اضاهر كرار باقي علمودي نزعت لشال وطلعت ملابسي توني ردت ابدل ندك لباب نسيت اخلي لشال طلعت هيج شفت كرار دنكت بسرعه ونطيته ضهري تقرب مني ورفع راسي ضل ياخذه يمين يسار كانو يتاكد من الرسم الي موجود بركبتي هز راسي وكال بأسى
كرار...خيبتي ضني بيج منى ليش هالشكل
خجلت منه مكدرت ارد علي دنكت ودرت وجهي
لاتضوجين مني حبيبتي بس اخاف عليج رغم اعرف نفسي مسلمج لرجال يفرط بنفسه ومايفرط بيج بس ماعرف شجاني وحجي وياج هيج اعرف خجلتج واعرف كل ثنين يصير بينهم هاذا لشي بالحلال بس ماعرف شبيه
لا حبيبي لاتحجي هيج اني اسفه اوعدك متتكرر
صدك شخبار رونق اني ليوم وصلتها بس تعرفيني من تكون يمي اصير اكثر كلامي وياها برسميه حتى ماانسه نفسي
عوف رونق بحالها ياكرار هي لبنيه الله يعينها منين تلكاها
تدرين من شفتها لبارحه مدده بالمستشفى ولكانونه بيدها ماعرف شصار بيه
كرار شو حبيبي باوعلي بس لاا بعدك تحبها
لاااااا طبعااااا معندي هيج شي تجاهااا لبنيه دخلت لكلبي فتره وراحت كفرنه خوما كفرنه
عافني وطلع ماصدكتك يخوي رحت يمه كتله اسويلك عشاء ماراد واني همات ماردت دخلت لغرفتي فتحت لجهاز اتصلت بي
مخلد...بنيتي
هه وصلت
اي
امم تعشيت
لاا شبعت بيج ليوم
هه شدسوي
هسه طلعت من لحمام ومتمدد تجين بحضيني
مخلد
نعم
شحجيت ويه كرار
كتله اختك طلبت مني بوس وشوهت ركبتها روح شوفها خوما حاجاج
لاااا موهيج قصدي
لعد
على رونق
لاااا هو اصلا ميقبل احد يذكر اسمها الله يعينه
مخلد فدوه عوف كرار لتنسه رونق منو وراها مصطفى واذا شم خبر يدفنها وهي حيه حتى لوماالها ذنب بشي
يابا هو شكو يابنتي كولشي مصاير اخوج هم بطل يفكر بيها ونساها بعد ورا زواجنه ندورله على بنت تناسبه
