على قلبي أمان

الحلقه الخامسه ج٢

على قلبي أمان

رغد جعفر Raghad Jafar

الحلقه الخامسه ج٢

وين ما اصد
ألگه شي يعكسلي وَجهك
حَتى من ليفوكَ اباوع
ألگه غيم الله مَلامح تلتم
وتعكسلي رَسمك !

ترى هاذا مو وضع حولي على ممه وبس هم حسي بيه ترى اغار والله شنو هاي ..

ياا صدك تحجي عافني وجر لغطه وتغطه هسه شحلاتك يامصطفى اله تنكد تالي ليل نام جاد وخليته بفراشه تقربت منه همست بإذنه  حبيبي وريدي نبضي نفسي

هو مغلس حتى مارد فتحت ايده باوعلي وهمس شتردين خليت ايدي على شفتي وهمست نومني

هو ماصدك جرني بقوه وثبت حركتي حسيت بي ليل كوله كاعد همست بنعاس مصطفى فدوه نام لان وراي دوام وانت متخليني انام..

مصطفى.....يروح مصطفى واني شنو لمانعني انام غير دوامج باجر ماريد اخطي خطوه وبعدها يتحول ليلنه نهار ومتلحكين حتى تنامين ..

رونق....باوعتله بنعاس خطرت على بالي فكره كتله

حبيبي نعسانه وبيش لساعه هسه واني مانايمه شنو رأيك باجر مااروح باوعتله بترجي .

لاترحين سوي ليريحج زين شنو رأيج نسهر للصبح..

اسم الله عليك مصطفى بعدله ساعتين ويصير لصبح فدووه حبيبي بس انام احس نفسي دايخه..

نامي نامي سوت روحها دايخه واذا اضل الح تطلع حامل ودكتوره مانعتها مني واني ماادري..

رونق..سكتت ماحجيت شفته ثبت اديه ونام غلست واول مشميت عطره نمت كعدت لصبح اباوع ساعه ١٠هو متمدد وجهال نايمين سحبت لجهاز لكيت اتصال من منى

طلعت من لغرفه اتصلت مترد اظاهر بالمحاضره اتصلت على منقذي رن مرتين لثالثه رد

الوو ياهلا بالغاييه

ههه اسفه استاذي العزيز مكدرت اداوم .

كرار....هااا وليش حضرتج مكدرتي داومين..

مانمت زين ونعسانه اصلا هسه كعدت..

ولدوام شنو موضوعه ليش مهمله رونق..

استاذ اسفه بس ليوم ووعد ..

لتوعدين بشي ماتنفذي وان شاء الله تكون هاي اخر مره لتخيبين املي بيج يالمهمله ونامي من وكت بعد تمام عندج ايام العطله اسهري بيها..

شسوي يا استاذ جاد ماعنده وقت عطله لمهم تكدر اتدبره بس ليوم لو ادز مصطفى..

كلتيلي جاد مسهرج ي خطيه يكبر ويتعلم وعلمي عندج دوام ومتكدرين تسهرين وكرار مبتلش بيج لمهم لادزين مصطفى اكيد نايم هسه شي اكيد جاد ممخلي نايم مثلج اني ادبرها..

تشكرات استاذي دزولي لمحاضرات لتنسون ..

عفوا وردايتي تدللين..