على قلبي أمان
رغد جعفر Raghad Jafar
الحلقه الثاني والعشرون ج٢
إنني لم أعترض يومًا على قضائك وحكمتك يالله، لكنني اتساءل فقط "لماذا كل شيء معي صعب رغم إنني لم أرجو الا القليل من الدنيا".
جمِيع العلاقات تُصاب بِفترة خلاف هذا لايعنِي أنها نهاية العلِاقة بل هذا يُعتبر من أبسط إختبَار العلاقات من يَوفي ، من يتحمّل ، من يتفهم ، ومن سيَرحل وانا الان سوف ارحل واترك كل شي خلفي لان لاحد يستاهل اني ابقه لاجله
رونق.....واخيرا وواخيرا شميت هواء العراق اباوع شكد عظيم انت يابلدي انت مثلي شكد ضلموك وشكد كسروك بس ترجع من جديد شامخ ميكسرك شي وعدت نفسي ماانكسر ولااقبل واحد يكسرني حب اخذ صحتي وعافيتي مااريده
نزلت بالمطار محد يعرف برجوعنه مردت يوصل لخبر لمصطفى والكا كدامي
كايدني خالو بفرح وحقه يفرح يحس بنفسه مسوي إنجاز عظيم حياني بعد مجنت ميته خصصلي كم يوم مخله مكان بالبنان مااخذني اله نفه عن نفسي يعرفني روحي يم ابني لذالك هو تكفل بحالتي النفسيه واابد مايوم اشتكه مني
سهر وتعب ليالي وهو يدرسني لهجتهم ترك اولاده وزوجته وبيته في سبيل يحيي روح اختك لمتوفاه الف رحمه على روحج باهاذا ليوم ياامي عندج اخ ونعمه الاخ والسند
بس اني عفتيني بدون سند بدون اب بدونج بدون حتى اخت بس عوضني بهواي ربي من شفت خالو فرحان همس
كاروان...ووين هسه المن ننطلق وين متكوليلي اروح اوديج حتى لو للمريخ
نروح لجادي
ههه يجرالك يحلو
نطلقنه من لمطار لبيت بيبي جانت دنيا ضلمه ملكيت جادي اول مدخلت شافتنه بيبي كامت من مكانها
الحجيه....بنيتي روونق يممه
رونق...فتحتلي ايدها رحت الاحضانها الوحيده المتقبله وجودها ووابد مايوم احملها مسؤليه الصار كافي عليه هي احتضنتني من اول يوم ضليت بي بدون حضن وفضلها مراح انسى طول عمري
حبيبتي بيبي ابجي ودموعي تنزل بغزاره شفت الفرح بعيونهم كلهم بيبي وهدى يبجن من بعد صبر بجيت بجي فرح شفتهم مجنت اصدك بيوم ارجع
احضن بيهم بالهفه اباوع احمد واكف باسني براسي نعم الاخ لماولدته امي بس ولدته الي الدنيه
احمد....الحمد لله على سلامتج ام جاد نورتي العراق ونورتي بيتج وحياتنه برجعتج بالسلامه
الله يسلمك خويه مشتاقتلكم هواي
هدى...ولج ممصدكه دااشوفج كدامي بس كليلي اذا حلم ماريد اصحه منه
ههه لا والله موحلم كافي تبجوني ترا مااكدر اتحمل واوكف على طولي
الحجيه...بسكم عوفوها اكعدي ارتاحي بيبي
