على قلبي أمان
رغد جعفر Raghad Jafar
الحلقه الواحد والثلاثون ج٢
كتبتلكم البارت اليوم بالنهار وكلت اكمله بليل براحتي وناويه اطوله الكم يعني بارت مشبع
بس صار ليل واجاني خطار وقبل شويه طلع 🙂 لمهم اجيت ماانشر واخلي لباجر بس كلت خطيه حلواتي منتضراتني واعتقد يعني اعتقد باجر ماكو بارت 🙈
في هذه الدنيا كلنا سنلتقي بشخص لا تنساه الذاكرة،
والعجيب أنه لن يكون لنا ...
ستعجب به ، ستكون به جميع المواصفات التي قد نقشها قلبك لعقلك ،
سيكون انت في مكان آخر
ستعيش معه حياة مختلفة .
لن تقدر ان تقترب .. ولا ان تبتعد ،
هو مرة حبيب ، ومرة صديق ، ومرة أخرى غريب .
وتمضي الأيام ...
تتمنى ان تجد سبب لتكرهه ، ولن تجد .
تخشى التعلق به ، وانت فعلت مسبقاً ..
احياناً ستظنه لك ، لكنك ستقبض على روحك بتنهيدة صامتة وتقول "هو ليس لي "
مصطفى.....اي سياره تمر يكطعون عليها الطريق ومن بعد تفتيش يلا تمر مرور لكرام وصلت يمهم وكفني واحد اجه يم باب لسياره وكف دك لجام نزلتها كوه ماسك نفسي اتمنى نفسي انتحاري وادخل بنصهم نطق لسانه لقذر
اسمك
مصطفى
شنو دينك
الاسلام
احجي عدل لك اكلك من ياطائفه انت سني شيعي مسيحي كردي صائبي ايزيدي
ليش اكو فرق؟
انزل
باي حق انزل
اكلك انزل
صاح لجماعته لقذرين اجوي خمسه حجه وياهم كلهم الاخ ورا شي لسانه شويه ثكيل
الانجاس سحبوني من لسياره دفعت ايدهم ونزلت من كيفي واحد كال اوراقك كتله بالسياره
ضل يكلب بيهن كال هويتك مديت ايدي لمحفضتي ردت اطلعها سحبها مني قراها
جهازك وين
جهازي هم يتفتش يلا يمر هاي ماصايره باي نقطه تفتيش
اشوفك تعرف نظام لدوله
اي طبيعي منو مايعرف لتفتيش وسوالفه بالمناسبه باي حق اني واكف وياكم واخذ وانطي كل لعليكم تسوون شغلتكم وتخلونه نفوت هيج تسوون ازدحام وشوشره بالبلد
هسه تعرف بأي حق انت واكف هنا
اشر لواحد بصفي بعدها محسيت اله ضربه اجت على راسي .........
.............................
الحجيه.....يمه هم خابرت اخوك ضل بالي يمه
احمد.....لبارحه بليل خابرته كال لصبح يمكم
اي هو اني ليش اسالك هم حجيت ويا وكال لفجر يمكم
يمه تاخر عادي طريق طويل
