على قلبي أمان

الحلقه الثالثه ج٢

على قلبي أمان

رغد جعفر Raghad Jafar

الحلقه الثالثه ج٢

كل عام وانتم الى الله اقرب ❤🌹

- ‏لاأحد يتخلى عن شيء إلا بعد أنّ تحترق يداه من التمسُك به.

بعد ماشفته واكف ابتسمت اله وفتحت ايدي اجه يركض لاحضاني تمدد وياي ونومته على ايدي بسته بخده وهمست شبيك رد بطفوله

ضايج

وشيريد لحلو حتى تروح لضوجه

بابا ماحبه يصير عصبي ومشتاق لماما

عرفته بي خوفه وعنده رده فعل من عصبيه ابو بسته مره لاخ بين عيونه حبيبي انت بابا موعصبي بس هو هيج

لااا بابا عيط عليج اني شفتج تبجين وهو بس يباوع على دموعج لينزلن..

شفت حبيبي يباوع على دموعي لان ينزلن بدون سبب موهو ماذيني لمهم حبيبي اخابرلك ماما تحجي وياها رد بحماس اااي كتله تعال نكعد لبنا بس خاف تشوف امها وتتخبل علينه تضل تبجي وتريد امها انت رجال متبجي صح

يي اني رجال ماابجي ..

حضنته فدوه للرجال كتله روح جيب لجهاز وتعال راح ركض جابه وانطا الي اتصلت فيديو ونطيته اله همست بإذنه اذا تحب روح للحديقه احجي وياها خطيه اخذ جهاز وراح عفته براحته يحجي اباوعله من لشباك بجه ويمسح دموعه بيده بعدها ضل يضحك حبيبي متقلب المزاج طالع على سيد الوالد

رحت كعدت لبنا وغيرتلها ماما رجعت جود لمكانه وطلعت للحديقه يم الالعاب نزلتها وضلت تلعب اجه جود انطاني لجهاز وحجه بصوت طفولي اني حجيت ويا ماما بس مابجيت

دنكت لمستوى وبسته حبيبي انت رجال ميبجي على شغلات تافها يلا عمري انت روح العب ويه اختك بس بالهداوه لتتاذون ضحكت علي مابجيت يكول

رحت دخلت جو صليت وجبت ملزمه وكعدت وياها بالحديقه جو حلو بدايت صيف صح وقت لمغرب بارده بس جو لطيف ملبستهم ملابس والاضويه ماليه لمكان

ماحسيت بالوقت ماما تروح يم بابا شويه وترجع تدخل للبيت يمنه علمود جاد هم تضوج وحدها خطيه مكيفه بي تكول بس يكبر مااخلي ينام يمكم دائما تسولفلي تكولي لوتعرفين من ابقه يمه لوحدي يرجعلي احساس الامومه رغم متشوقه وعطشانه الها احس نفسي شايله ابني بيدي

اجت يمي كعدت كالت شنو ماجعتو باوعت عليها ليش،بيش ساعه هسه

ماما هسه بال١٠بليل محسيتي بالوقت لان دتقرين ..

حيل شدعو عززه حسيت صدري وجعني لان ليوم قليل مرضعته لجاد اصلا ليوم احس ماخذينه مني عمر مشبعانه منه ..

يلا حبيبتي اني رايحه لابوج اشوفه خاف محتاج شي اشوفه لهسه مطلب اسويله عشاء..

كمت حضنتها وبستها من ايدها الله يخليج انتي وبابا الي ويطول عمركم يارب ..