على قلبي أمان
رغد جعفر Raghad Jafar
الحلقه التاسع عشر ج٢
أَراك بِداخلي قُربًا عَمِيقًا
وفي الأميالِ ما أقصاك عَنِّي .
الوو بشرني بداعت لخوه
ازهر....شبشرك يامصطفى مااااتكلي يااامصطفى شبشرك
مصطفى....ازهر كلمه منك تحييني وكلمه منك تاخذ روحي احجيلي من الاخير رونق بخير
ازهر.....كوه كوه موبرضاتها صارت بخير تعرف وراها طفل ينتضرها ورجال طول بعرض مشلوع كلبه عليها لذالك حاربت وطلعت من لعمليات بخير وسلامه
اله هي اجت تروح بيها ضغطها والاوكسجين صفرن عدها اثناء العمليه ثق يامصطفى رونق الها حياه بعد لو مسويلها العمليه بالعراق اله جان راحت بيها بس دكتورها شاطر وكدر ينقذها من حلك لموت..
مصطفى......متحملت اكمل ويا ذبيت لجهاز من ايدي الف الحمد لله والشكر الك يارب الللف الحمد الله سجدت بوكتها سجدت شكر لان روحي طلعت بخير وسلامه طلعت لامي بالهفه لكيتها بحضنها القران ودموعها تنزل منو من عدنه يارونق ميحبج كوليلي كولنه واكفين وياج بمحنتج حتى لو جنه بعاد عنج
يمممه لبشار رونق طلعت من لعمليات
الحجيه....صدق الله العظيم الحمد والشكر الك يارب ممنونين منك على عطاياك الف حمد وشكر الك يارب
هدى....صدك تحجي مصطفى كلبي راد يوكف ليش هيج طولو يلا بشرونه
مصطفى....حجيت بحزن صارت عدها مضاعفات اثناء العمليه
الحجيه....كوم وفي نذرك يمه
مصطفى....ي يمه يي الحمد الله اباوع لجاد حضنته بفرحه عكس دكات كلبي لمتناقضه همستله حبيبي جادي روح امك انت ادعيلها وتكمل فرحتنه لجبيره بشفائها ويطلع ورمها حميد هو ميفتهم شي هم نعمه لو يفهم يفتقد امه اكثر ويتعذب اكثر
نطيته الهم وطلعت ضل يبجي وراي مكدرت اخذه اخذت احمد ورحنه ذبحنه ذبيحتين واذا اتشافت اذبح عجل هيج جنت ناذر لسلامتها وهم قليل بحقها نذرتلها روحي وشتريد تسوي بيه قابل وهم مااعترض بس ترجع بخير وسلامه
وزعنا على لجيران ثاني يوم داومت بس بالي يمها كل شويه متصل بازهر بزعته اخر شي ضل كاعد يمي مراح لمكتبه
ازهر....يلا سيدي اني هنا حتى شغلي راح انفصل منه
مصطفى...منو يفصلك غير اكلبها على راسهم
ازهر....احمممم
مصطفى....شبيك تحمحم
ازهر.......هاااا لا هيج اكول وصلنه لحم جان كولش طيب عاشت ايدك...
مصطفى.......ههههههههه يوول حصتك بالحفظ والصون
ازهر....والله مافرحت بحصتي اكثر مافرحت من سمعت ضحكتك ينرادلك وحده من لجاسميات لمعدلات تعدل مزاجك للاخير لان صارلك سنه وست اشهر مضاحك
