على قلبي امان
رغد جعفر Raghad Jafar
...........الحلقه الأولى ج٢............
يكول هنيالي ، من آطب للنار بذنوبـﭻ 💍♥️
رونق....فتحت عيوني مبتسه اباوعله نضراته اسرتني ورجعتني ليلتنه الجميله بعد فراق شهرين واني اتمعن بتفاصيله رجعلي عقلي تذكرت جاد فزيت من مكان وكفت على الجربايه وعطت جاااد..
مصطفى .....شكول عليج كطعتي خلفتي بعملتج هاي ..
صغرت عيوني واني اباوعله مخلي ايده على مكان كلبه ويفرك بي سحبني من معصم ايدي وكعت بحضنه همس.
بويه انتي ناويه عليه اليوم كم مره كتلج لا توكفين على لجربايه سالفه لزعاطيط هاي اني مااحبها بعدين ابنج بأمان نايم رغد ويمه بيبيته ام علي.
جريت نفس بارتياح تمغطت بدلع همست يلا وخر مونطيت عين.
بويه ستري على نفسج ترى ليل كوله ماكفاني ولا شبعني منج .
باوعت اله بنظره خجل واني اتذكر ليلته وياي حسيته ام فاقده طفلها ورجع لاحضانها ليل كولها يتغزل ويعتذر ويسمعني كلام يطمن لقلب ويريح لنفس هواي انطاني وعود رغم هو مابي عيب من تزوجنه ترك كل سلبياته بس سالفه مريم اذتنه شويه
مصطفى وخر اابني هناك محتاجني واني بعيده عنه ليله كامله.
تتذكرين من اول ماعرفت بيج حامل وكتلج ماريد لان يبعدني عنج جان احساسي بمحله اول مااجه للدنيا احنه فترقنه وهاذا ليوم يلا رجعتيلي
رونق لاتختبرين حبي الج صدكيني انتي اتعبين واني لا لعيونج تركت كل عصبيتي كل ملذاتي في سبيل ابقه ماء خالص وصافي الج
رونق حطمتيني بعدج عني حيصير شهرين اني شايف لويل اكذب عليج لواكلج اني ماحتاجيتج صح رجال اني واكدر اعتمد على نفسي بس دوم احس نفسي ناقص ومااكتمل اله بيج ....
يحجي وعيونه تتنقل بجميع ملامحي طبع بوسات على عيوني لمدمعه نزل على عنقي استنشق عبيري بعدها طبع بوسه بجبيني وهمس تقبلين تتزوجيني
باوعتله بنضرات تفسرله عدم فهمي لكلامه رجع همس بحب وذبوبان.....
حاب اتقدملج مره ثاني تحبين تكونين على ذمه مصطفى ..
همست اي اقبل واقبل واقبل مااتمنى غيرك ولا نفسي بيك حياتي بدونك متسوه شي كل يوم وكل ليله بعدك عني أحس نفسي طيره مذبوحه بس كرامتي مجانت تسمحلي
كم مره اجيتك واراقبك من تنام ادخل عليك واتمعن بتفاصيلك الاعشقها واطلع جنت ماانام اذا متنام ..
اني مثلج واكثر كل يوم قبل لااروح لدوامي ادخل عليكم اخذلي شمه وبوسه واطلع....
فتحت عيوني بصدمه ضربته بخفه على صدره لعاري رديت عززه ولا حسيت اابد ...
