على قلبي أمان
رغد جعفر Raghad Jafar
بارت هديه بمناسبه ٣الاف متابع ❤🌹
اذا وصلت القصه للمليون حتى حساب عمجن انزله الجن 😂
الحلقه الثامن عشر ج٢
مو زعلان
بس الجرح واصل للگلب وياك
ماضل للعذر مكان ...!
مصطفى....اررررجع ببسرعه
ووين يمعود
لللمطار ببسرعه لا يالله شسويت اني هالكد جنت مشغول عنها وماعرفت شبيها طريق كله ادعي بعدهم احنه مابعدنه هواي اول موصلت للمطار انطيت جاد الازهر ونزلت اركض اباوع بالوجوه ماكو سألت الولد على طيارتهم كلي طارت قبل دقائق
افتر راسي من كلمته يعني شنو يامصطفى تستاهل شنو جان بالك عدها صبر أيوب مثل ماعندك
رجعت بيأس للسياره لكيت جاد يبجي بيد ازهر اخذته منه ضميته لصدري وشميت عنقه لمكان لوحيد لمصبرني على فراك امه عنقه لجاد من اشمه احس نفسي شامها شكد ترف مثل امك مكدرت اوكف على طولي ملت سندني ازهر واخذ جاد من ايدي
ازهر....هاااا مصطفى هاااا شحجينه احنه
اسكت ازهر ميفيد الحجي بعد
اكعد يمعود
مااكدر ازهر تعباااان وروح ابوي تعباان منين اتلكاها
شبيدي عليك شكد نصحتك بس انت ااخ منك دومك متسرع
وديني للبيت ازهر راسي راح ينفجر
مالله يهديك مدامك بالمطار ترجع لمهمتك
خررره بيهم هالكلاب ماسووها اله هسه اله هاذا الاسبوع صار اشهر منتضرين
اعتقد تتصلح الامور بس ترجع لان يوم واحد سهل
لاااااا موسهل ماريد منهم كولشي حتى لو يسلبون روحي لو يسجنوني ويجردوني من رتبي مومهم لمهم شراح يصير
رونق طيبه كلب مااعتقد تزعل منك
هه تزعل وشوف زعلها وين راح يوصلنه لصار موقليل حتى لوجنت مقاصده ااذيها خابرلي مخلد شوفه
شبيك مصطفى موتعرف بعدهم بالطياره
هاا اي والله دخت ماكتلي يابلد مسافرين
للبنان
برأيك شبيها شنو لصار وخلاها توصل للسافر حتى تعرف شبيها موكتلي مره راحت للمستشفى
اي هو مره وحده وبعد علمي علمك بس لعرفته دكتورها شاك براسها ورمه وخالها متخبل حتى ممخلي دكتور يحولهم على دكتور ثاني ولحسن لحض اكو دكتور برطاني جاي للبنان وحجزلها عنده
ورم؟
اي
لااااا ازهر لاتكولها وورم
