على قلبي أمان
رغد جعفر Raghad Jafar
الحلقه الخامس والعشرون ج٢
التأخير مو مني من لجهاز 💔🙂اسفه حلواتي وغلسن على لسحكات
- لن أنسى أولئك الذين احزنوني حتى هلكت ، فلا سامحهم الله ولا عفى عنهم ولا اذاقهم السعادة ، من تركوا فينا خيبات شوهت كل شي جميل بداخلنا .
رونق....اباوع لجاد منطلق وهو بحضنه ابتسمت بوجه وتقربت منهم مديت ايدي اخذه منه وكف ايدي وحجه بالكوردي خالو كلي
كاروان....اري يكولك نورتي زاويته
نور نوركم خالو منوره بوجودكم كعدنه كولنه على الاكل اني مااشتهي شي بس بيبي تخلي كدامي وخالو كل شويه يكول اكلي
اني اصلا شبعت بنضراتي للبنات وامهم اويلي ضيم لاهنه كيك لاهنه ملائكه لا هنه بشر جمااال جمااال هنه خلصنها بس يبتسمن وشلون ابتسامه تسحر
حاولو ميحجون بيناتهم هواي عرفت بعدها يخافون خاف اضوج او اخذ على نفسي لان ماافهم كلامهم جاد عند اري واخو ولبنات كل شويه يبوسو من خده طايرين بي
شلنه الاكل اني وزوجه خالي اسمها دلجين هيج خالو علمني على اسمائمهم لبنات الجبيره جان والصغيره جهان
بعدها البنات جابن بقيه الاكل ردت اغسل وياهم خاله دلجين حجت ويه بنتها لجبيره جان لعرفته مقبلت اشتغل وياهم اخذت ايدي بابتسامه وطلعت
حجت ويه ابوها باوعلي ابتسم واشرلها طلبت منه نتمشه بالمزرعه اباوع حلوه جبيره مشينه بيها وهي شعرها يطير ويه الهواء الهاب تشبه امها بس عدها خدود ضيم خالو عندك مونسوان
اخذتني للورد دنكت بحب قطفت ورده وفتحت شالي وباوعت منا ومنا واشرتلي بمعنى محد موجود ابتسمت بوجها خلتها بشعري
بعدها كادتني للمراح عدهم مراح وبي احصنه واوو امنيتي من صغيره يصير عندي حصان هه ابتسمت هي باوعتلي همست بتكسر
جان..اورق
متفهمت عليها اشرتلها شنو رجعت اشرت على نفسها وهمست بفرح
جااان
اضاهر دتعرفني على نفسها فدوه لكلبها انتي مسمينج جان هزت راسها ورجعت اشرت عليه وكالت اورق ههه ضلينه نحجي بالاشاره شكد حلو تعيش ويه ناس متفهم عليك ولاتفهم عليها هو هاذا السلام الداخلي
ضليت احجي وياها لحد محفضت اسمي واسم جاد ذكيه تلكطها وهي طايره بعدها اشرتلي على حلقتي الي عرفته تريد تعرف اسم ابو جاد زوجي يعني دمعت عيوني حسيت رجعتني بسؤالها للماضي
كعدت وضليت اتنفس سريع حسيت ايد تمسح دمعتي لنازله كعدت يمي وحضنتني ابتسمت الها همست مصطفى
