على قلبي أمان
رغد جعفر Raghad Jafar
الحلقه التاسع والأربعون ج٢
إن كان شراً لماذا أدخلتهُ قلبي يا الله حتى أصبحَ جزءاً لا يتجزأ مني 💔💔
ازهر....فتحت خط اجاني صوته
الوو
هاا مصطفى بشر بداعه لخوه
شبشر ولك كوه قنعتها وهاي اني احتار بيك احتار بيها اراضيها على سالفتي على سالفتك
ذبيت حسره وكتله جايك سديته منه بقهر اضاهر راح اشلع كلبي وينشلع كلبهم وياي خليهم كله من وراهم اخذت سويج وطلعت حتى ماغيرت ملابسي بتراكي رحت وصلت للبيت طلعلي مصطفى .......
رونق.....راح مصطفى تأخر يلا اجه ضليت انضف لنواعم اجه اخذت جاد منه بوسته حبيبي ضل يسولف شصاير ويا ابو ميفهمه بس يباوعلي بعدها همس رونق
هممم
ازهر
شبي
يريد يجي
عقدت حاجبي وباوعتله بأصغاء واني أسأله المن جاي ااقصد يعني هو جان يمك ليوم
لااا يريد بس يحجي ويه جان
شنووو
كمت نزلت جاد من حضنها اخذت ايدها بستهم كافي حبيبي لا تصعبيها ازهر متحطم حاليا اني اعرفه اكثر من نفسي زين وباقي بيه روح ويحجي خليهم يحجون
هم لخاطر جان خطيه لهسه نايمه وحتى اكل مماكله برأيج من يحجي وياها ما شويه تهدء ليش تشوفين الموضوع من وجه نظرج وبس شوفي من وجه نظرهم ثنينهم واحد يريد لثاني وصعب حتى لكلام بينهم وضاله بس نظرات عيونهم تتلاقه
بعدين هي بس هسه عندج خلي يفهمها يطمنها هو مراح يتركها وهم يسالها اذا تريده وعد ميطولون بس غيري من نفسيتها شويه
ذبيت حسره وهمست خلي يجي بس نكعد يمهم
ايا خبله شلون حجي هاذا يابويه
ضربته على كتفه لاتكول خبله خلي صديقك يجي يشوفها وبحجي وياها وانت ويا الله وياكم تمام
هاا ويهون عليج تبعديني عنكم
ممصطفى احنه اتفقنه من البدايه لامن اولها تخلف بوعدك
ماشي يصير خير كمت منها اتصلت بأزهر شويه واجه دخلته للصاله شاف رونق كلها
ازهر...تحملينه شويه بلا زحمه عليج
هزيت راسي وكتله نايمه
هاي من العصر نايمه لهسه وبدون اكل
مصطفى....اشوفك انت اكلت
اابد ولا ماكل بس بلغده يمكم
مصطفى...لاتبجي هسه نحضرلكم عشه اباوع عليها خزرتني فدوه لنظراتها
