على قلبي أمان
رغد جعفر Raghad Jafar
الحلقه الثالثه والأربعون ج٢
لبارت طويل ومابي قفلات نزل هديه للبنيه لبارحه عيد ميلادها كل عام وانتي بخير قلبي ❤
نزلتلكم فيديو ستوري على الانستا ومنو توقعها صح بخصوص لقصه تفوز ويانه وانشر توقعها ستوري 🌹
أود أن أكون الهواء
الذي يسكن رئتيك
للحظة فقط
، أود أن أكون بتلك
الخفةو بتلك الضرورة .
منى.....فتحنه لباب شفناهم ثنينهن شكلهم موطبيعي وسرى اضاهر جانت تبجي مخلد باوعلي بنظره خاطفه ورجع باوع عليهم
مخلد...هلا بيكم تفضلو
كرار...اسف مخلد اجيتكم بهاذا الوقت بس سرى شويه تعبانه خلوها ترتاح عدكم
مخلد....فوت كرار ترى قلقتني
كرار...ماكو شي خويه سحبت منى لحضني واضح عليها لقلق بستها براسها كضتني من ايدي وهمست
منى...كرار حبيبي شبيكم سرى شبيهم محجه شي مخلد كال
منى روحي يم سرى حضريلنه لريوك واحنه بالصاله
كرار...خويه وداعتك مااشتهي خلي اروح ليوم ماناوي تروح
مخلد....كنسلها ليوم هي محاضره وحده ولاتروح تعال ادخل تره قريتك وضعك ماعاجبني
منى....رحت بسرعه حضرت لريوك مخلد اجه جايب صمون واجبان خليته على لميز صحتلهم اجوي ثنينهم اباوع على كرار عينه على لغرفه مخلد فهمه كلي روحي صيحي سرى كوليلها مخلد يريدج
فتحت لغرفه لكيتها متمدده على جربايه تقربت منها وهمست سرى حبيبتي كومي تريكي حجت بكاء
سرى...ماريد منى شبعانه
ميخالف لا تاكلين بس مخلد يريدج من سمعت اخوها يريدها كامت ومسحت دموعها قلقتني بالزايد عرفتهم متلاغين بيناتهم بس كرار مو من نوع ليحب لمشاكل وقدر الامكان يتلافه مرات يسمع ويغلس شصاير هسه
اخذتها ورحت مخلد مد ايده إلها راحت يمه كعدها على لكرسي بينه وبين كرار اباوع لاخويه يباعلها ويهز رجله بتوتر
مخلد انسان لمقابيله يحتار شيوصفه كدر يتلافه لموضوع بكلامه وماحسسهم جايين وزاعجينه ولا حسسهم عرفنه بينهم مشكله كال بضحكه
مخلد...يابا عذرونه لبيت صاير هوسه ولكاع مليانه ورد لبارحه حبينه نغير اجواء وكذا
كرار...لبيت بيتكم وانتم احرار عادي كولش عادي خويه احنه جيتنه بوقت مخجل
لا بالعكس احنه كاعدين من زمان بس هسه يلا كمنه يلا اكلو باوعت لسرى يلا بابا اكلي
سرى...مامشتهيه اكل
