على قلبي أمان
........البارت الثاني والعشرون.........
Raghad Jafar
زعلان بعدك .... لو نهيته الزعل ؟؟
لو كلي يمكن عجبتك فركتي ؟؟؟
ما اغنّي يم غيرك لأن من اونّ
بس انت احسّك تفتهم ونّتي
فكّ بابكم تلكاه نثر من دمع
سويته الك من روحتي وردّتي
ما بيه حيل وروحي ملّت تره
تمثال اصيرن من تمرّ صفنتي
ها هسه يرضه وها الباجر يجي
ها ناسي يمكن ...ها نكر عشرتي ؟؟؟
ما بين كل ذنّي آنه ادورك جنت
بس ما لكيتك ...وانتهت قصتي ٠
مصطفى.....شو هاي تأخرب كلت خاف تخربطت
رحت للغرفه لدخلت بيهه جان اشوفهه نايمه
عطت بيهه انتي من صدك تحجين صار ساعه
منتضرج بس انتي مومال واحد ينقهر عليج
رونق.....وخرت الغطه ضليت اباوع علي مارديت
بقيت ساكته
مصطفى.....تقربت منهه وحجيت بهمس
ليش ساكته ماتحجين تدرين بسكوتج تعلين كلبي
رونق....شحجي يعني
مصطفى....اي شي بكيفج اهم شي لتضلي ساكته
رونق....تعبت وماريد احجي شي لان ميتغير الوضع من احجي
مصطفى....ترى امي ماتقصد شي واعرفهه حنونه
وكلبهه طيب بس ماعرف شنو خلاهه هيج
تتصرف وياج اني كم يوم واقنعهه انتي مالج
كعده هنا مااتحمل تبقين بعيده عني وماعرف عنج شي
رونق....كمت على حيلي كتله
لااا الي كعده هناا ومن اليووم اني هاذ مكاني
هاذ بيتي هنا تعبي وراحتي وكولشي يخصني يصير هنا
بعدين انت منو كلك اني زعلانه على بيبي
ليش يحقلي ازعل منهه بلعكس احتمال السوته
المصلحتي تريد توعيني اكثر تخليني افتح عيوني
على شغلات اني مفاهمتهه ولا حفهمهه طول حياتي
مصطفى.....شنو هاي الشغلات احجي داسمعج
رونق....عموو اني مالي حجي ويه اي بشر
كل واحد حر بتصرفاته من اليوم محد اله
دخل بلاخ ماشي اني مو ذيج الطفله الصغيره
الي متعرف شي وفاهيه لا بلعكس اني كبرت
وعيت اكثر وكمت اميز الصح من الغلط فماريد
احد يدخل بحياتي ولاادخل بحياه احد خلي كول واحد بمكان افضل
مصطفى.....يعني من اليوم كمتي تميزين
الصح من الغلط اليوم صرتي واعيه وجبيره
