روايه تركت ملاكي بين الشياطين
ڤوت يا جميل وفولو
.
.
استيقظ علي صوت والدته التي تقف في النافذه بجانب سريره وهي تردد " يا حول ولا قوه الا بالله..ربنا معاها يارب"
فتح عين واغلق الاخري بنعاس: هي مين دي يا ماما؟
نظرت له بإنتباه ثم حزن شديد: ليلي يا معتز!
فزع وجلس بسرعه: مالها في اي؟
خبطت سهي ع صدره بسرعه وبخفه: لا يا حبيبي محصلهاش حاجه..بس ابوها بيعزل من المنطقه وهياخدها معاه..وهي خايفه تروح معاه..وعملتها ع روحها في الشارع والناس بتهديها انا حزنانه عليها والله لو بيدي اخدها تعيش معانا بس ابوها مش هيرضي
لم يصدق ما تقول حقا!! ستتركه ليلي! سينتهي ليلهُ..وتصبح حياته نهاراً كئيب!
قفز بسرعه وارتدي ملابسه وركض الي اسفل وسط محايله والدته بعدم التدخل
تقدم كالمجنون بين هؤلاء الرجال التي تنقل الاغراض..حتي وجد سيد امامه بشحمه ولحمه..لحمه الذي لن يكون موجود بعد قليل لانه سيقطعه إربا ويعلقه علي باب البيت
امسكه معتز من لياقته وصرخ بوجهه: انت رايح فين يا جدع انت وواخد البت معاك!!! انت فكرك اني هسيبك
وضع سيد يده علي يد معتز بعصبيه: اوعي يالا ايدك بدل ما اعمل حاجه مش هتعجبك
ضربه معتز برأسه بقوه في انفه جعل الجميع يلتم حولهم
استغل سيد الموقف وخبط معتز في صدره بقوه وبدأ برفع صوته: شايفين بيضرب واحد قد ابوه ازاي...اللي بتقولوا عليه ابن محمد المتربي والمحترم..بتاع الثانويه والتعليم العالي..بيضربني الظاهر ان محمد معرفش يربي فعلا..دول جيراني وانا ادري بيهم..جيره وس"**
وشهاده لله..وشهاده لله ما هكدب فيها الست امه المحترمه لما بيبعتولها تغسل الهدوم وتلاقي فلوس بالصدفه فيها بتسرقها..مره جعانه وحراميه ودنانه في البيوت..وجوزها خروف في البيت يتلبسله الاحمر بس..جيران بقي وبسمع طول الليل
: لا اله الا الله دي اعراض ناس يا عم سيد في اي اعقل امال
اتسعت عينا معتز بصدمه اتقذف المحصنااات!!؟
وليس اي محصنه بل هي امي..لقد جن جنونه
واقترب منه بلا وعي وكاد يبقي من كل هذا الافتراء ولمس الاعراض
حتي امسكه احد الرجال والجمه
أنت تقرأ
بيـن الشـيَاطِين ␈
Teen Fiction" كل ما هو لك هو لك ، وكل ما هو ليس لك فهو لأي شخص الا أنت ، وكل ما ستراه ستراه حتي لو كنت فاقد للبصر ، شظايا الماضي عالقة في ثناياك كلما تحسستها تألمك ، تجاهلها لعل يقل بكائك.." ° ° روايـة " بيـن الشياطيـن"
