روايه تركت ملاكي بين الشياطين
الفصل ال 6
⛔ متنسوش الڤوت والفولو
.
.
ف المساء
كان يجلس معتز ف حديقه القصر الخلابه ينظر للسماء باعين دامعه وتكلم للسماء
وكانه يحدث شخص ما:عارفه ي فراشتي ،انا شوفت واحده انهارده نفس عنيكي بالظبط وطريقتك كانت جميله زيك كده يا تري انتي لو كنتي عيشتي كان هيبقي شكلك عامل ازاي اكيد ف جمالها او اجمل منها كمان
لتدمع عينيه بقوه:تعرفي ي فراشتي انا فقدتك ف وقت صعب عليا اوي انتي موتي يوم مامات بابا وماما بصراحه انا مش عارف انا عايش ازاي اعز تلاته ف حياتي ماتوا ،بس بصراحه انا مجيش جمب اللي حصلك ف حاجه ع الاقل انا خدت حنان الام والاب مع انك كنتي صغيره بس كنتي حنينه بالفطره بس انتي مختيش لا حنان ام ولا حنان اب ولا لحقتي تاخدي حناني
ليبكي بصمت:ملحقتيش ي ليلي والله مالحقتي تاخدي من الدنيا حاجه تعرفي لما كنت قاعد ف عزا ماما وبابا كنت بفكر ان الحادثه دي مدبره وكمان كنت بفكر هعيش ازاي وكنت بفكر فيكي اكتر بس قطع افكاري ابوكي لما قعد جمبي بيقولي البقاء لله ليلي ماتت
ليبكي بقوه ووضع يده ع فمه لكي لا يسمعه احد واكمل ببكاء:تعرفي انا كنت ف حاله توهان رهيبه كنت بقول لنفسي يعني امي وابويا وليلي ف يوم واحد كتير اوي اوي ع انسان ،،اتعذبتي كتير اوي ي ليلي انا مش عاوز افتكر كل كام يوم اشوفك ف الشارع بعد ما اصلي الفجر قاعده ع الرصيف وبتبكي وكمان بتكوني محروقه ف مناطق مختلفه ف جسمك انا مش فاهم ازاي واحد زي ابوكي يحرق طفله عنده9سنين وكمان بيضربك من وانتي عنك 7سنين
ليمسح دموعه بقوه:انا هدور ع الراجل ده واجبلك حقك البت اللي شوفتها انهارده هي اللي فوقتني
ليأتي صوت احمد من خلفه
وهو يقول بمرح:اي ي عم قاعد لوحدك ليه
مسح معتز وجهه بسرعه
وقال ببرود: احم احم عادي كنت بشم هوا المهم ان انا عاوزك ف خدمه
جلس احمد بجانبه ع العشب
وقال: اي دا معتز باشا بيطلب مني انا خدمه ماشي اطلب ي عم
تنهد معتز ونظر امامه
وقال:عاوزك تدورلي ع واحد اسمه سيد وتعرفلي عنه كل حاجه زي شغله مراته حياته ماشيه ازاي وكده
احمد باندهاش:بس ده صعب اوي اوي ي معتز زي اللي بيدور علي ابره ف كوم قش انت عاوزني ادور ع واحد ف محافظات مصر كلها وهلاقي مليون واحد اسمه سيد طب اوصفلي شكله
معتز بصبر:بص ي سيدي انت هتروح المنصوره وهتسأل عليه ف حاره اسمها*** عشان هو كان ساكن هناك بس هرب وهتعرف هو هرب فين من 11سنه ولما تعرفلي المكان اللي عايش فيه حالياوتبعتلي صورته انا هاتأكد ان هو وانا اللي هكمل
احمد بتفكير:كان جارك ف المنصوره؟!
معتز دون ان ينظر اليه:اممممم
أنت تقرأ
بيـن الشـيَاطِين ␈
Dla nastolatków" كل ما هو لك هو لك ، وكل ما هو ليس لك فهو لأي شخص الا أنت ، وكل ما ستراه ستراه حتي لو كنت فاقد للبصر ، شظايا الماضي عالقة في ثناياك كلما تحسستها تألمك ، تجاهلها لعل يقل بكائك.." ° ° روايـة " بيـن الشياطيـن"
