"شيروفوبيا ( رهاب السعادة )"
"الحلقة 9"
•
•
•
•
•
•
•
•
•
•
•
•
•
•
____________________________
عمر : كنت بقول اني بحبك يا زينه!
( تفضل زينه بصالو بنفس نظرة الذهول وتضحك وبعدين ترجع تبصلو تاني تيجي تتكلم يقاطعها )
عمر : بحبك اوي يا زينه ومتتخيليش ببقي عامل ازاي لما بشوفك حزينه، اول ما بتضحكي بحس كل حاجه ضحكت وبقت جميله، بحب ضحكتك ولمعة عينك وفرحتك وعبطك وحتي وانتِ في اسوأ حالاتك انا بحبك، انتِ اغلي حاجه ف دنيتي اعمل اي حاجه عشان بس البسمه متروحش من وشك!♥
( تبتسم زينه جامد وتحس بالحنيه في كلام عمر كأنو حضنها بكلامو، تحس انها متلغبطه ومش عارفه ترتب كلامها ف تتكلم بتلقائيه )
زينه : عمر انا حاسه اني مبسوطه بس متلغبطه اوي مش عايزة اقولك حاجه وانا لسه مش متأكده من احساسي نحيتك، بس عيزاك تعرف انك حاجه مختلفه خالص وغالي عليا بطريقة غريبه، وجودك جمبي بس كفيل انو يبسطني يا عمر♥
عمر : انا مش عايز اسمع ردك دلوقتِ علي مهلك انا بس بقولك اللي حاسو بصراحه زي ماحنا متعودين نكون صريحين مع بعض كده ولا ايه؟
زينه : كده ياعمر😂♥
( يبتسم عمر ويفضل باصصلها بحب وعنيه بتلمع وكل حاجه جواه سعيده، ونفس السعاده حساها زينه لكن مع شوية لغبطه وقلق، قاعد إسلام في اوضتو وبتتعاد عليه الجمله اللي عمر قالهالو وكل شوية يتعصب ويهبد في كل اللي قدامو، كل حاجه قدامو بتقول أن عمر بيحب زينه بجد، بس اللي مش قادر يستوعبو لو كانت زينه بتحبو هي كمان!! بتخنق من الوضع ده ويحس بأن دماغو بتشيط! يحاول يهدي اعصابو ويبعتلها رساله "مقولتيليش يعني موضوع عمر ده، مع انك مش بتخبي عني حاجه؟!" توصل صوت الرساله المميزة لزينه ف تفتح تليفونها تدخل علي اعدادات الشات بتاعت إسلام وتلغي الرنه المميزه وتخليه عادي زيو زي اي حد وتدخل ترد عليه )
زينه : مخبيتش عليك انا اتفاجئت باللي قالو
إسلام : انا كنت متوقع كان باين عليه اساسًا
زينه : منا عارفه، بس الطريقه اللي قالها بيها والوقت صدموني😂
إسلام : اه، وانتِ ايه رايِك؟
أنت تقرأ
روايه " شيروفوبيا " لِـ الاء مسعود
Romance"شيروفوبيا" "رهاب السعاده.." _ وانا صغيره كنت بسمع اغنيه بتقول "ده القلب يحب مره ميحبش مرتين" كنت بحبها وبحب ادندنها كتير، لكن بما كبرت اتغيرت نظرتي للجمله دي كتير، ازاي القلب بيحب مره واحده؟ افرض فشل في الحب الأول، ميحبش تاني؟ مش كل العلاقات بتنجح...
