"شيروفوبيا ( رهاب السعادة )"
"الحلقة 8"
•
•
•
•
•
•
•
•
•
•
•
•
•
•
________________________________
هدير : حبيبي انتَ مش علي بعضك ليه اليومين دول؟
إسلام : شوية مشاكل يا هدير سيبيني في حالي انتِ بس!
هدير : لازم افضل جمبك يا إسلام انت حبيبي وكل ما ليا وكلها اسبوع او اتنين وتبقي خطيبي
( يتنرفز إسلام من الكلمه ويسيبها ويمشي يفضل ماشي في الطريق زي المجنون ويروح بيتو يقعد علي مكتبو ويطلع ورق )
إسلام : لأول مره زينه مش موجوده! زينه بقالها تلت أيام مش موجوده مبكلماش مبشوفهاش مش حاسس بروحها حواليا! انا مش عارف هي اتهبلت ولا عمر ده عملها ايه عشان تقلب عليا بالشكل ده! زينه تقلب عليا انا؟ زينه اللي لو كنت مزعلها كانت هي اللي بتيجي تراضيني؟ زينه اللي مينفعش يعدي يوم من غير ما تكلمني وتخليني اطلع البلكونه عشان تشوفني؟
( يسيب القلم كأنو افتكر حاجه وتبدأ ملامحو تتغير وكأنو شخصين في بعض )
إسلام : زينه اللي مبحبش غيرها ولا اقدر اقعد كل ده من غير ما اشوفها او اسمع صوتها او حتي اتكلم معاها، ازاي قدرت تعمل فيا كده ازااي !!
( ويشوط في كل حاجه علي المكتب )
#فلاش باك
( يرجع إسلام من بره بعد يوم طويل ويرمي نفسو علي السرير، يبص علي بلكونتها يلاقيها واقفه مرعوبه، يطلع البلكونه ف تشوفو وتدمع وتدخل تجري، ميعديش ثواني ويلاقي الباب بيخبط )
ام إسلام ( هبه ) : شوف مين يا إسلام
( يقوم إسلام بابتسامه لكن يغير ملامحو قبل ما يفتح الباب )
إسلام : خير
زينه : طنط ام إسلام ماما عاوزة بصلتين
هبه : حاضر ثواني يا زوزا
( تروح ام إسلام تجيبلها طلبها )
زينه : إسلام انت بتهزر! انت مفتحتش من اول اليوم ولا حتي قولت انك هتقفل ومش موجود انا كنت هموت من خوفي عليك!
إسلام : ليه يعني كل ده، قفلت من غير م اقول حرام عليا يعني؟
زينه : اه يا خويا حرام عليك، قولي انت كويس؟
أنت تقرأ
روايه " شيروفوبيا " لِـ الاء مسعود
Romance"شيروفوبيا" "رهاب السعاده.." _ وانا صغيره كنت بسمع اغنيه بتقول "ده القلب يحب مره ميحبش مرتين" كنت بحبها وبحب ادندنها كتير، لكن بما كبرت اتغيرت نظرتي للجمله دي كتير، ازاي القلب بيحب مره واحده؟ افرض فشل في الحب الأول، ميحبش تاني؟ مش كل العلاقات بتنجح...
