روايه " شيروفوبيا " لِـ الاء مسعود

شيروفوبيا الحلقه الرابعة

شيروفوبيا ( رهاب السعادة )
"الحلقة 4"
•
•
•
•
•
•
•
•
•
•
•

________________________________________________________

إسلام : مبقيتيش بتفتحي واتساب كتير .
( يستناها إسلام ترد، لكن مافيش رد، يبص من البلكونه علي بيتها يلاقيها قاعده مع اهلها وساكته مش بتشارك حتي في الحوار، يفضل متأمل شكلها وهدوءها لحد ما تلف رقبتها تبص عليه تلاقيه باصصلها، تفضل بصالو وهو كعادتو يفضل باصصلها اكتر، تحس بخنقة ف تلف وشها وتستأذنهم وتروح اوضتها وبعد كام ثانيه يقوم وراها عمر ويتعصب إسلام اكتر )
عمر : قومتي ليه
زينه : نعست شويه متنساش اني صاحيه بدري
عمر : لسه في حاجات عايزك تعمليها ياهانم
زينه : ايه تاني
عمر : ينفع فوتوجرافر ميبقاش بيفهم في الفوتوشوب؟
زينه ( بابتسامه ) : اكيد مش دلوقتِ كلو في يومها كده
عمر : بالظبط، شغليلنا اللاب ده وشغليلنا اغنيه كده ولا حاجه
( تضحك زينه وتفتح الباب ويفضل عمر متابع بعنيه، اول م اللاب يتفتح يلاقي ال Wallpaper بتاعت اللاب لونها اسود وسكينه مرميه وعليها دم، يبص لزينه ويرجع يتابع ب عنيه يلاقي قايمه ال playlist بتاعتها عبارة عن اغاني حزينه وكئيبه او موسيقي هاديه او راب، تيجي تشغل اغنيه يمنعها )
عمر : اوعي ايدك جتك القرف انتِ واغانيكي مسمعتيش عن حاجه اسمها مهرجانات او شخص عابر اسمو الليثي مثلا او شعبي او اي حاجه ؟😂
زينه : بتعصب م الصوت العالي😂
عمر : هتستحملي عشاني مش كده؟😂
( تضحط زينه وتهز راسها ب اه، يضحك عمر ويشغل اغاني شعبي وميعديش ثواني ويلاقي مروان وسناء ومنال داخلين من بره بيرقصو يضحكو هما الاتنين ويمسك ايديها يقومها ويرقصو معاهم وتطلع اول ضحكه من قلب زينه بجد. يبصلها عمر بفرحه ونجاح وبعد ما يخلصو رقص يحضنها مروان ويبوس راسها وتقرب منها امها )
منال : مشوفتش ضحكتك من زمان اوي يا زينه ، او بشوفها بس ببقي عارفه انها مُزيفه
( تروح الضحكه من علي وش زينه وتبدأ علامات القلق تظهر علي وشها تاني يلاحظها عمر )
زينه : ضغط عليا بس يا ماما مش اكتر
منال : متخليش حاجه تسرق روحك مننا كده يا زينه، اتغيرتي كتير اوي واتمني انك ترجعي زي الاول تاني
زينه : وانا كمان اتمني واللهِ
( تطلع منال وسناء ويجيب مروان شيبسي وسوداني وفشار ويجيب كرسي ويقعد معاهم )
مروان : ايه بتعملو ايه بقي
زينه : عمر عايزني اتعلم فوتوشوب
عمر : ده امر حضرتك
زينه : البيه بيؤمرني يا مروان
مروان : يؤمر براحتو ومالو😂
زينه : اااه انتو متفقين عليا بقي
عمر : اختك في يوم واليوم ده مش بعيد هتكون احسن واشطر واشهر فوتوجرافر في اسكندريه، وهفكرك بكلامي ده قدام
( تضحك زينه بتريقه وتبص لعمر جامد )
زينه : مش عشان صورت صورة حلوة من وجهة نظرك ده معناه اني هبقي اشطر فوتوجرافر والكلام ده
عمر : الايام بينا يا زينه، تدفعي كام لو طلع كلامي صح؟
زينه : 100 ج لاني متاكده انو مش هيحصل بس معييش فلوس😂
عمر : خليك شاهد بس يا مروان 😂
زينه : انت ازاي واثق للدرجه الكبيره دي؟
عمر : عشان انا واثق فيكِ وواثق ديمًا انك هتكوني ناجحه في المجال اللي انتِ حباه
زينه : انا مقدرتش حتي اخش الكلية اللي انا حباها يا عمر، طول عمري كنت من الاوائل دلوقت بقيت في نفس الكلية اللي فيها محمد بتاع البنات اللي ناجح بالعافيه يعني انا وهو زي بعض!
عمر : مش زي بعض يا زينه، ده نصيب، فِكرك اللي بيدخلو طب وهندسه بيبقو كلهم شاطرين ومتفوقين ودحيحه وبينجحو؟
زينه : لا مش شرط
عمر : يبقي اللي عايزك تعرفيه ان كل ده نصيب، ممكن تدخلي طب وتسقطي او تطلعي دكتوره فاشله تدمري حياة الناس، او تكوني ناجحه في حقوق وتطلعي محامية اد الدنيا تنصري الناس المظلومه، او حتي ع الاقل تنجحي ف مجال انتِ حباه يسعدك ويسعد غيرك
( تسكت زينه بتفكير وبلغبطه وتبتسم )
مروان : لا شابوه يوسف الشريف😂
( يضحكو كلهم ويشغل عمر فيديو تعليم الفوتوشوب ويبدأو يجربو وبعد م تخلص تبدأ تطبق علي الصورة اللي صورتها وكلو يتفاجئ بالنتيجه )
مروان : ايه الجمدان ده
زينه : بجد، بجد يا عمر حلوه؟
عمر : جميله اوي اوي يعني
( تضحك زينه بفرحه وتحفظ الصورة ويسكت عمر ويبصلها ويقول في بالو )
" جميله زي ضحكتك يا زينه!💙 "
( تلف زينه تبص لعمر تلاقيه باصصلها بنظره اول مره تشوفها ف عينو ف تستغرب وتبتسم ، يقوم مروان يروح اوضتو وتكمل زينه وتخلص وتيجي تقفل اللاب يمنعها عمر وياخد اللاب ويغير صورة ال Wallpaper ويحط الصورة اللي هي مصوراها ومظبطاها بالفوتوشوب ويحطها هي ال Wallpaper )
عمر : بقول كده احلي
( تضحك زينه وتقفل اللاب وتتاوب )
عمر : كفايه عليكِ كده انهارده، نامي كده ومتنسيش التحديين بتوعنا
زينه : الصحيان بدري و.. ايه تاني؟
عمر : مافيش سوشيال ميديياااا
زينه : حاضر متزعقليش كده
عمر : هبقي اشوف من عند مروان ولو لقيتك اونلاين هعلقك😂
زينه : ياسيدي انا مافييش دماغ افتح سوشيال انا هموت وانام😂
عمر : ماشي تصبحي ع خير😂
زينه : وانت من اهل الخير يا عمر
( يطلع عمر من الاوضة ويبتسم ويروح يقف في البلكونه كالعاده، يطلع إسلام البلكونه يشوف عمر يضايق من وجوده ويضايق من اختفاء زينه ف نفس الوقت! يفتح الواتساب ويحاول يثبت لنفسو انو عادي ويكلم هدير لكن يفضل حاسس ب حاجه ناقصه، يدخل شاتهم يفضل يفر فيه )