شيروفوبيا ( رهاب السعادة )
"الحلقة 7"
•
•
•
•
•
•
•
•
•
•
•
•
•
•
____________________________________________________
( تبتسم زينه باستغراب يلحق عمر نفسو ويكمل )
عمر : مقصدش حبيتك بمعني اني مكنتش بحبك وبقيت بحبك لا انا بحبك من زمان. ينهار اسود اقصد اني بعزّك من زمان يعني مقصدش حاجه تاني
زينه ( بابتسامه ) : خلاص يا عمر انا فاهمه
عمر : طب الحمدلله انك فهماني
زينه : مش انت لوحدك اللي بتفهم اللي قدامك وبتحس بيه من عنيه بس يا استاذ، بس للاسف فشلت اني افهم نظرات إسلام
عمر : مش كل الناس سالكه لدرجة ان عنيها توصف اللي هي بتعملو ممكن توصف احساسو فعلًا لكن هو ينكر ده بتصرفاتو العكسيه تمامًا
زينه : طب وليه؟! ايه اللي يجبر واحد مبيحبش واحده انو يفضل واقف باصصلها طول النهار ونظرات مش عاديه ويفضل مركز في تفاصيلها وضحكتها وحافظها بالشكل ده؟ او ايه اللي يجبر واحد بيحب واحده انو يعاملها وحش او يعمل كل الحاجات اللي تنفي ده وتثبت انو مبيحبهاش؟
عمر : وايه اللي يجبر واحده تكمل مع شخص من مفهوم وعلاقه مؤذيه ومُحيره؟
( تسكت زينه تتمالك اعصابها وتكمل بهدوء )
زينه : عشان بتحبو ممكن؟
عمر : لما الحب يكون مُتعب ومُهلك ميستاهلش غير انو يتحط تحت رجلك، الانسان فينا لما بيحب بيكون محتاج راحه واهتمام وحنيه وطبطبه مش حب يدخلنا في حالة اكتئاب وينيمنا كل يوم معيطين ويخلينا ماشيين تايهين، حب ايه ده ما بلاه احسن بقي؟!
زينه : معاك حق، احنا لو حصل خلاف بينا وبيزعلني ممكن نقعد شهور مبنتكلمش برغم ان هو اللي مزعلني بس ميصالحنيش ابدًا
عمر : طب تفتكري لو كان حصل نصيب واتجوزتيه تفتكري لما تتعاركو هيطبطب عليكِ مثلًا ولا هيراضيكِ بكلمتين؟ لا طبعًا، هيسيبك تراضي نفسك بنفسك وترجعي تتأسفيلو انتِ برضو. الدنيا والزمن بيبقو قاسيين علينا اوي يا زينة، بنبقي محتاجين شخص حنين يهون علينا قسوة الدنيا مش يقسي علينا معاها
( تسكت زينه وتحس انها كانت غلطانه فعلًا لما كملت مع شخص مش هيقدر يكون ليها الملجأ اللي محتاجالو فعلًا، تعدي نسمه هوا تخلي زينه تسقع وتفوق من السرحان اللي هي فيه وتاخد بالها ان الدنيا بدات تليل )
أنت تقرأ
روايه " شيروفوبيا " لِـ الاء مسعود
Romance"شيروفوبيا" "رهاب السعاده.." _ وانا صغيره كنت بسمع اغنيه بتقول "ده القلب يحب مره ميحبش مرتين" كنت بحبها وبحب ادندنها كتير، لكن بما كبرت اتغيرت نظرتي للجمله دي كتير، ازاي القلب بيحب مره واحده؟ افرض فشل في الحب الأول، ميحبش تاني؟ مش كل العلاقات بتنجح...
