روايه " شيروفوبيا " لِـ الاء مسعود

شيروفوبيا الحلقه 14

"شيروفوبيا ( رهاب السعادة )"
"الحلقة 14"

•
•
•
•
•
•
•
•
•
•
•
•
•
•

____________________________

( بعد يومين، زينه راحت الكليه عشان امتحاناتها بدأت، وتحل بشكل كويس جدًا علي غير العاده، نفس اليوم بليل هو فرح حنان وتعمل زينه سيشن لحنان اجمل مما توقع عمر حتي، فاق اي توقعات وكان الفرح ده فتحة خير لزينه في شغلها ك فوتوجرافر وعدت الايام وهما مبسوطين، لكن.. هو الانسان ممكن يقعد رايق وبالو مرتاح كده لفتره طويله؟ انسي! الدنيا اغلس مما تتوقع يا صديقي .. )
( قاعد عمر في العياده مستني الحاله اللي جيالو، تدخل ريهام السكرتيره الجديده عشان حنان خدت اجازة ومعاها مين؟ معاها إسلام. يستغرب عمر ويقوم يرحب بيه )
عمر : ايه ده إسلام ازيك ايه اخبارك
إسلام : اكيد لو كويس مكنتش جيت
عمر : فعلًا باين عليك، اتغيرت خالص في الفتره الاخيره، الموضوع هدير؟
إسلام : هدير اي بس، اكبر
عمر : كويس انك جيت ولا جاي صدفه؟
إسلام : هبه كانت عيزاني اروح لمُعالج، قولت اكيد اللي قدر يغير حال بنت الجيران بالشكل ده هيقدر يساعدني، ولا انت تخصص بنات بس؟
( يبتسم عمر باستفزاز لما يفهم تلميحات إسلام )
عمر : بالنسبه لزينه انا مش دكتور، انا ابن خالتها وصاحبها، مش مضطر اوضحلك بس معلش نرضي فضولك
إسلام : معندكوش قهوه ولا ايه؟!
( يتنرفز عمر اللي شايف إسلام بيعاملو ك عدو باستمرار لكن السبب مش واضح )
عمر : ريهام
( تدخل ريهام من بره )
ريهام : ايوة يا دكتور
عمر : قهوه للاستاذ
__________

( خارجه زينه من الكليه بتراجع الامتحان مع صحابها وترتاح لما تتأكد أن اغلب الاجابات اللي اتاكدت منها صح، تقابل رقيه ويركبو مشروع سوا )
زينه : كلو خايفه م الماده اللي الدكتور الحيوان ده قال هيسقطنا فيها دي
رقيه : اغلبهم بينسي اساسًا😂
زينه : قرفت ي شيخه هانت سنه كمان في الزفته دي وخلاص😂
رقيه : علي خير يارب يا زينه، بس انا مبسوطه اوي بالتطورات اللي حصلت معاكي في الفتره الاخيره، بجد تسلم ايد دكتور عمر
زينه : اه والله تسلم ايدو😂 اخوكي لسه متظبطش برضو
رقيه : والله يا زينه اخر مره اتعارك عركه كبيره مع بابا كان هيجرالو حاجه بسببو
زينه : هو مش هيهدي غير لما يعرف واحده كده يطلع اهلها عصابه يجو ينفخوه😂
رقيه : عارفه انو هيتنفخ وهيندم جامد فعلًا بس في الوقت المناسب لكن ربنا يستر😂
( يعدي الوقت وترجع زينه البيت وتدخل اوضتها وتفرد جسمها علي السرير بتعب )
منال : عملتِ ايه انهارده
زينه : والله يا ماما لغاية دلوقت الحمدلله كلو كويس يارب نكمل ع كده بس
منال : ابقي اتصلي بعمر شوفي عمل ايه مع إسلام احسن هبه مش صابره
زينه : إسلام ايه وعمر ايه؟؟!!
منال : هبه كانت عايزة تخلي إسلام يروح لمُعالج نفسي وكانت قالتلو علي عمر، جه سالني علي مكان العياده وانا قولتلو مكانها
( تتنفض زينه من مكانها )
زينه : وراح من امتي
منال : يعني بقالو يجي ساعة كده
زينه : شاطره يا ماما جميله!!
( وتاخد زينه شنطتها وتليفونها بسرعه وتطلع تجري بسرعه تطلب اوبر وتركب وفي طريقها للعياده تفضل ترن علي عمر لكن مبيردش )
زينه : ما ترد يا عمر انت كمان حبكت متردش انهارده؟!!
( تزهق زينه من كتر الرمزي تهبد التليفون بعصبيه )
زينه : اوف منك يا إسلام، ينعل ابو اليوم اللي عرفتك فيه يا شيخ
____________