روايه " شيروفوبيا " لِـ الاء مسعود

شيروفوبيا الحلقه 15 والاخيرة

"شيروفوبيا ( رهاب السعادة )"
"الحلقة 15" والآخيرة

•
•
•
•
•
•
•
•
•
•
•
•
•
•
___________________________

( تعدي الايام وتعدي وتعدي، وتعدي السنين بسرعه، عمر وزينه اتجوزو وجابو ياسين عندو سنه ، إسلام يتجوز جواز صالونات من بنت اسمها منه ومش مبسوطين سوا، يقصد إسلام انو ياخد شقه في نفس الشارع اللي فيه عمر وزينه، هدير كمان تتجوز من واحد معاها في شغلها اسمو فارس وتكون مبسوطه جدًا معاه ويجيبو بنوته اسمها رودينا عندها ٦ شهور ، في يوم حصل مع إسلام موقف مع هدير، كان راجع من شغلو صدفه وشافها وهي شايله بنتها ومبسوطه بيها، واول ما يشوفو بعض يقفو )
هدير : ازيك يا إسلام
إسلام ( بحزن ) : ازيك انتِ ياهدير
هدير : انا بخير
( يبتسم إسلام بحزن لما يشوف البنوته الصغيره )
هدير : اسمها رودينا
إسلام : ربنا يخليهالك، مبسوطه؟
هدير : طلاما انا بعيد عنك مبسوطه، والحمدلله ربنا عوضني خير وانا سعيده فعلًا في حياتي
( يضحك إسلام علي الزمن واللي عملو فيه )
هدير : قابلت زينه من قريب هي كمان جابت ولد زي القمر ربنا يحميه وسعيده مع عمر، شوفت محدش طلع م اللعبه خسران غيرك ازاي يا إسلام؟ اينعم انا مكنتش بحب زينه بس انا مأذيتهاش، انت دمرتنا احنا الاتنين ربنا يعلم أنا كنت بحبك اد ايه، بس شوف ربك، محدش غيرك اتأذي في الاخر!
إسلام : ربنا يسعدك كمان وكمان يا هدير، عاوزة حاجه؟
هدير : شكرا يا إسلام
( ويمشو، ماشي إسلام وعلي وشو ابتسامه سخريه وكأنو بيسخر من نفسو، يدخل الشارع بتاعهم يلمح من بعيد زينه ماشيه وشايله ياسين ومعاها عمر شايل كل الخضار والفواكه اللي معاها وبيتعاركو بهزار )
زينه : ياعمر والله ما واخداك معايا السوق تاني، ما تجيب كيسه يابني وانا هاخدها واطلع اجري
عمر : يمكن وانا ايش ضمني؟!
زينه : جيب كيسه ياحبيبي انا عامله عليك والله وشك بقي طمطمايه حتي عم صابر مش موجود😂
عمر : خلاص نزلي الولا ده يطلع لوحدو وخدي مني مش كبرت انت؟؟ ماهو كلو من دلعك يا هانم
زينه : ياعم اقعد علي جمب بقي ده الولا لسه مكمل سنه من يومين😂
عمر : الغلطه غلطتي انا اللي مختارتش عماره فيها اسانسير
زينه : نهايتو ياعمر هتجيب اشيل معاك؟
عمر : علي جثتي متشيليش ابدًا وانتِ شايله ياسين
زينه : افتكر كلامك ده بقي يا شبح😂
( تطلع زينه تجري بسرعه وهي شايله ياسين وعمر تقع منو كيسه تتكب يوطي يلمها تتكب كيستين كمان يروح سايب كل الكياس علي الارض ويبصلهم )
عمر : زينه حبيبتي مش عايزة تساعدي جوزك وتشيلي معاه؟
( يبتسم إسلام بحنيه لما يلاقيها نازله لوحدها من غير ياسين وبتضحك )
زينه : عشان تعرف بس امك مبتهونش عليا
( وتشيل معاه ويطلعو سوا ، يتنهد إسلام بوجع ويطلع يخبط علي الباب تفتحلو مراتو بعصبيه )
منه : ليه ما كنت تقفلك ساعتين كمان تحت!
إسلام : سرحت شويه يا منه في ياسين ابن جارتنا عشان نفسي نخلف
منه : ياسين ابن جارتنا ولا جارتنا ذات نفسها؟
إسلام : اي الهبل اللي انتِ بتقوليه ده
منه : عايز تفهمني أن زينه مش حبيبتك القديمه؟
( يسكت إسلام ويكمل بضيق )
إسلام : جبتي الكلام ده منين
منه : ريهام سكرتيره عمر تبقي صحبتي، حكتلي اللي حصل يوم ما روحت مسكت في خناق عمر وعرفت الباقي من هبه، انا عارفه من زمان يا إسلام بس بعدي عشان مخربش علي بيتي بنفسي بس انا مش مستحمل اشوفك بتبصلها بالطريقه دي، ده انت مبتبصليش بالنظره دي!💔
إسلام : بطلي الكلام الفارغ ده وخشي حضريلي الغدا يا منه
منه : متهربش مني يا إسلام
إسلام : اتمسي وطفحيني يا منه متفوريليش دماغي!!
منه : انت بتك....
( يقوم إسلام وينزل ويهبد الباب وراه وتفضل منه قاعده تعيط، يجي معاد الغروب يروح إسلام في للمكان اللي ديمًا زينه كانت بتقعد فيه ويقعد هو فيه، تتعاد عليه ذكريات سنين، يتعاد عليه احساسو وهو واقف في فرح زينه بعيد، بعيد اوي وبيبتسم بفرحه عشان شايفها مبسوطه، يتعاد عليه اللحظه اللي عرف فيها ان زينه جابت ولد وخرجت سليمه والتنهيده اللي خرجت منو كأنها مراتو هو، يحس بمشاعر ممزوجه بالحنين والشوق والحزن والندم، يقوم من مكانو ويمشي تايه وميلاقيش وجهه رايحلها غير بيتها هي، بيت زينه، يبص في ساعتو علي الوقت يلاقي ان ده الوقت اللي بيروح فيه عمر شغلو، يتنفس ويطلع للدور بتاعهم ويتنفس بعمق كأنو بدأ يحس بروحها في المكان، احساس محسهوش من كتير، من سنين، يخبط علي الباب يسمع صوتها من جوه )
زينه : مين
( ميردش إسلام تبص زينه من العين السحريه تلاقي إسلام تستغرب وتفتح الباب بحذر وتبصلو باستغراب )
زينه : إسلام! في حاجه ولا ايه؟!
إسلام : كنت مخنوق، ماليش غيرك اتكلم معاه
زينه : انت بتهزر؟ انت مستوعب اللي احنا عايشين فيه؟ مستوعب انك واقف دلوقت قدام زينه ام ياسين ومرات عمر؟ مستوعل المشكله اللي هتحصلك لو عمر جه شافك وانت واقف كده؟
إسلام : زينه انتِ وحشتيني
زينه : اتكلم معايا بحدود يا إسلام، الاولي مراتك توحشك ياريت متكونش دي التالته اللي تتظلم معاك
إسلام : انا اسف
زينه : اسفك مش هيفرق
إسلام : لا هتفرق
زينه : مش هيفرق، سواء معتذرتش او اعتذرت ومسامحتكش او اعتذرت وسامحتك، النتيجه واحده ومش هتتغير
إسلام : ع الاقل احاول اصلح غلطي
زينه : بدل ما تبص علي غلطك اللي فات وتصلحو بس علي غلطك الحالي واللي بتعملو ف نفسك وفي مراتك، عايز تصلح غلطك سيبني في حالي انا عايشه مرتاحه ومبسوطه متعمليش مشاكل وسيبني هاديه، روح حب مراتك بدل ما بشوف في عنيها نظرات الكره ليا عشان هي متأكده انك لسه بتحبني وانا مافيش في ايدي حاجه اعملها مش عارفه ابعدك عني!
إسلام : بس انا..
( يعيط ياسين جوه تبص زينه للاوضة وبعدين تبص لإسلام )
زينه : ابني عاوزني، ياريت تبعد عني وتسيبني في حالي، ولو اللي حصل ده اتكرر تاني صدقني مش هيحصل كويس، شوف حالك وسيبني في حالي بقي يا إسلام
( وتقفل الباب في وشو، تبص من العين السحريه تلاقيه لسه واقف والكسره باينه في عنيه تحس من جواها بالزعل بسبب اللي وصلو لكن تبعد وتروح لياسين وتشيلو وتلعب معاه وتسهي وتقرر ان مافيش داعي تحكي اللي حصل مع عمر، يروح إسلام بيتو ويخبط تفتحلو مراتو وتمسح الدموع اللي في عنيها )
منه : كنت عندها بتعمل ايه يا إسلام؟
( يدخل إسلام وميهتمش لكلامها ويرمي نفسو علي السرير )
إسلام : ارحميني وارحمي نفسك من المراقبه 
منه : ارحمني انت!! رد عليا يا إسلام كنت عندها بتعمل ايه؟!
إسلام : مكنتش عندها ليا واحد في العماره زميلي في الشغل و..
منه ( وتقاطعو ) : كدبه جميله بس متدخلش عليا، لما انت مش قادر تنساها ولسه بتحبها اتجوزتني ليه يا إسلام
( يفضل إسلام ساكت ميردش )
منه : طلقني يا إسلام
إسلام : اتمسي وقولي يا مسا وبطلي الكلام الفارغ ده
منه : انا مش هقبل اعيش مع واحد قلبو مع واحده تانيه وعايش معايا كأني ضل، انا زهقت من عيشتي دي! هتفضل تجري وراها لحد امتي؟ ما العيب عليها انها سيبالك فرصه ماهي ولا اتربت ولا لقت اللي يلمها!
( يقوم إسلام يضربها بالقلم ويمسكها من شعرها )
إسلام : كام مره هقولك متجيبيش سيرتها بالطريقه دي علي لسانك؟ كام مره هحذرك؟؟!! عايزة تطلقي هطلقك بس افتكري ان ده اختيارك!!
( ويسيبها ويروح اوضة تانيه يهدي وتفضل هي بتعيط بحرقه، يجي عمر من الشغل يسلم علي البواب )
عمر : عم صابر اخبارك
صابر : الحمدلله يا دكتور، اه صحيح بخصوص الموضوع اياه اللي قولتلي عليه