تزوجت مجنونا للكاتبة غادة (مكتملة)

الفصل الرابع

صوتي اختاااااه انا صوتي اتنبح
بقيت نادية مع ابنتها حتى موعد الغداء ثم حين أحست بأن منذر قد اقترب من العودة أرادت المغادرة لتنظر إليها بيري بحدة : على فين يا حلو؟
لتبرر نادية : اصل داه معاد رجوع اخوك من المدرسة
لتحافظ بيري على نظرتها : ماما انتي مش طايقة منذر ليه ؟ هو عمل ايه ؟ داه حتى طيب و غلبان خالص
رطبت شفتيها قائلة : حبيبتي الموضوع مش منذر خالص، هو بس انا كان نفسي تجوزي حد من نفس المستوى بتاعك ، انتي دارسة في جامعة أمريكية و بتشتغلي فشركة عالمية و هو درس في جامعة حكومي و بشتغل موظف في مصلحة و الي جاي يدوب بكفي ، و متقوليليش حب و مش حب، الحب مش هيأكلك و لا هشربك و لا هيلبسك اللبس الي انتي متعودة عليه يا بنتي، انا مش بقولك الكلام داه عشان مهتمة بالمظاهر بس احنا في زمن كدة ، الناس بتبص لداه مش بتبص لانه طيب و غلبان
تنهدت بيري في قلة حيلة لتجلس على أحد الكراسي : انتي عارفة يا ماما انا عمري ما فكرت في الناس عشان كدة عايشة مرتاحة عارفة انا لو لحظة واحدة حطيت الناس في حساباتي مكونتش هوصل لكل داه ، نجي بقى للاكل و الشرب و اللبس انا طول عمري مؤمنة أنه الحياة مشاركة يا ماما شوي مني و شوي منه و هنعيش حال الدنيا اتغير يا ست الكل و بقت صعبة و لازم الاثنين يعاونوا عليها ، طب افرضي انه انا اتجوزت واحد معاه فلوس و فجأة خسر كل فلوسه ، و على افتكر انتي لما اتجوزتي بابا الله يرحمه مكنش معاه فلوس كثير يدوب داه حتى في مرة انتي بعتي من ذهبك عشان تسددي دينه، حبيبتي انا مش شايفة الدنيا بامبي زي انتوا فاكرين و الله انا حاسة و عارفة كل حاجة بس محتاجة اتعلم لوحدي طول عمري عايشة في ظلكم دلوقتي جيه الوقت اني أكبر شوي و انا عارفة انه لو حصل حاجة انتوا مش هتقصروا بس عايزة منك حاجة ، عايزاكي تدي منذر فرصة و الله هو طموح اوي داه حتى هيترقى قريب اوي
نظرت نادية إلى ابنتها التي ترجوها للبقاء لتقول على مضض : هصلي العصر الأول يكون هو جيه
لتقفز بيري بفرح :حبيبتي يا ماما ، يا احلى ام في الدنيا
لتبتسم لها نادية : طول عمرك تعرفي تاخدي الي انتي عايزاه ..... ثم ذهبت إلى الحمام
دقائق و سمعت الباب يفتح و منذر يدخل عندها و قبل أن تقول اي شيء فاجأها بقبلة على شفاهها، حاولت التخلص منه ، ليسمع صوت مياه في الحمام ليقطع قبلته لها قائلا : مين في الحمام ؟
لتقول له و هي تبتعد : امي ، امي في الحمام
ليبتعد عنها قائلا : طب سلام عليكو
لتمسكه من ياقة قميصه : تعالي هنا يا اهبل انت جوزي
ليحاول تخليص نفسه منها : ماهو عشان جوزك سيبني امشي و حياة عيالنا الي لسة مجوش
لتقف أمامه و تقول بحدة و بصوت منخفض : ولا انا عملت مجهود عشان اخليها تقعد اترزع بدل ما اطلع جناني عليك
ليرد عليها بنفس الحدة: بيري احنا اتفاقنا كان واضح، شرطك الوحيد اني اصونك و احبك و ما ابصش لغيرك و انا ملتزم به ، امك مش بتطقني خالص فليه اقعد معاها
رفعت حاجبيها : ماهو امي جزء من الحب يا روحي، و مين قال أنها مش بتطيقك ديه هي الي عملت صنية البطاطس الي بتحبها و قاعدة عشان تشوفك تتغدى معانا
ليهمس بصوت مسموع: اكيد حطت سم فيه
ليسمعا صوت خطواتها متجهة إليهما لتقول نادية باقتضاب: يا اهلا يا جوز بنتي عامل ايه؟
ليجيبها منذر بنفس اللهجة : بخير يا حماتي انتي عاملة ايه ؟
احمر وجه نادية من الغضب و قالت: الحمد لله، انا رايحة اصلي
لتذهب من أمامهم لتواجه بيري زوجها : يا حبيبي قولها طنط بلاش حماتي بتضايقها
ليخبرها هو بعفوية : ماهي حماتي فعلا ، اكذب يعني
حاولت السيطرة على أعصابها: لا يا قلبي بس هي بتحس أن حماتي ديه بتكبرها ، قولها طنط عشان خاطري
تنهد في قلة حيلة و قال : حاضر ، انا رايح اغير هدومي
لتمسكه من كتفه: خليك كدة نتغدى و بعدين غير ، شكلك حلو كدة
زفر في ضيق : بيري انا بدأت اتخنق
لتفك بيري ربطة عنقه و هي تقبله بنعومة شديدة على رقبته : كدة مش هتتخنق ، روح اغسل ايديك عشان نتغدى
ابتعدت عنه و هي ترى ملامحه التي تحولت إلى الاسترخاء و امتثلاه لاوامرها لتبتسم بعشق خالص .
_____________